Բրյուս Վեբեր
Բրյուս Վեբեր անգլ.՝ Bruce Weber | |
---|---|
Ծնվել է | մարտի 29, 1946[1][2] (78 տարեկան) |
Ծննդավայր | Greensburg, Փենսիլվանիա, ԱՄՆ |
Քաղաքացիություն | ԱՄՆ[3] |
Մասնագիտություն | լուսանկարիչ, կինոռեժիսոր, fashion photographer և սցենարիստ |
Կայք | bruceweber.com |
Bruce Weber Վիքիպահեստում |
Բրյուս Վեբեր (անգլ.՝ Bruce Weber, մարտի 29, 1946[1][2], Greensburg, Փենսիլվանիա, ԱՄՆ), ամերիկացի նորաձևության լուսանկարիչ[4][5] և կինոռեժիսոր։
Հայտնի է Calvin Klein, Ռալֆ Լորեն կորպորացիա[6], Pirelli, Revlon և Ջաննի Վերսաչե ապրանքանիշների հետ համագործակցությամբ, նաև Vogue, GQ, Vanity Fair, Elle, Life, Interview, Rolling Stone ամսագրերի հետ աշխատանքով։ Նրա լուսանկարները զարդարում են Հարրի Քոնիք Կրտսերի, Քրիս Այզեկի և Ջեքսոն Բրաունի ալբոմների շապիկները։
Համալսարանն ավարտելուց հետո Բրյուսը սկսել է իր կարիերան որպես մոդել, նկարահանվել է անգամ Ռիչարդ Ավեդոնի մոտ։ Ավելի ուշ Վեբերը խոստովանել է, որ այդպիսով նա ուզում էր ավելի լավ հասկանալ լուսանկարչի մասնագիտությունը։ 1970-ական թվականների վերջերին նա արել է իր առաջին ֆեյշն-նկարահանումը, որը հայտնվել է GQ-ի համարներից մեկի շապիկին։ 1978 թվականին Վեբերի հետ պայմանագիր է ստորագրել հանրախանութների գլխավոր ամերիկյան ցանցը և նա աշխատել է Bloomingdales կատալոգի համար։ 1983 թվականին լուսանկարիչը առաջին մեծ հաջողությունն է ունեցել։ Նա նկարահանել է Calvin Klein-ի գովազդային արշավը տղամարդկանց ներքնաշորերի համար։
Բրյուս Վեբերը համագործակցել է Էնդի Ուորհոլի հետ և լուսանկարել է Pirelli-ի երկու օրացույց։ Հայտնի է որպես արտ-լուսանկարիչ և տղամարդկանց նորաձևության լուսանկարման բնագավառի նորարար։
Որպես ռեժիսոր նկարել է 6 ֆիլ՝ բռնցքամարտիկ դեռահասների մասին պատմող «Կոտրված քթեր» (1987), ջազ երգիչ Չեթե Բեյքերի մասին «Եկեք կորչենք» (1988) (մասնակցություն «Սանդես» կինոփառատոնին և առաջադրում «Օսկար» մրցանակին լավագույն վավերագրական ֆիլմ անվանակարգում), կարճամետրաժ «Հետնաբակի մասին ֆիլմ» (1991) և «Նուրբ հսկաներ» (1995) ֆիլմերը, ջազի մասին պատմող վավերագրական ժապավեն և «Չինական ռագու» (2001) և «Նամակ ճշմարտությանը» (2004), նաև մի քանի երաժշտական տեսահոլովակներ։
Վեբերը ամուսնացած է Նեշ Բուշի հետ, որի հետ երբեմն համագործակցում է նաև աշխատանքի բերումով։ Նա 1998 թվականից ապրում է Մայամիում[7][8]։
2003 թվականին նա ստեղծել է իր Weberbilt լեյբլը[9]։
Ծանոթագրություններ[խմբագրել | խմբագրել կոդը]
- ↑ 1,0 1,1 Կերպարվեստի արխիվ — 2003.
- ↑ 2,0 2,1 Noble A. Weber, Bruce // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — ISBN 978-1-884446-05-4 — doi:10.1093/GAO/9781884446054.ARTICLE.T090926
- ↑ Ժամանակակից արվեստի թանգարանի առցանց հավաքածու
- ↑ «Bruce Weber». Photography. Музей Виктории и Альберта.
- ↑ Maslin, Janet (March 24, 1989), Review/Film Festival; The History of a Musician’s Disintegration, New York Times.
- ↑ McNulty, Bernadette (May 24, 2008). Chet Baker: 'There aren’t a lot of people like Chet left, The Telegraph.
- ↑ Cashdan, Marina (2010 թ․ նոյեմբերի 17). «Weber Takes to the Streets in an Exhibition Focusing on Miami's Haitian Community». The Huffington Post. Վերցված է 2013 թ․ հունիսի 11-ին.
- ↑ Boardman, Micky (2010 թ․ դեկտեմբերի 2). «Bruce Weber On Haiti, The Kennedys and His Many, Many Pet Dogs». artbasel.aol.com. Արխիվացված է օրիգինալից 2013 թ․ հոկտեմբերի 4-ին. Վերցված է 2013 թ․ հունիսի 11-ին.
- ↑ Bruceweber.com Արխիվացված Օգոստոս 26, 2010 Wayback Machine