Բիսմարկի արշիպելագ

Վիքիպեդիայից՝ ազատ հանրագիտարանից
Բիսմարկի արշիպելագը

Բիսմարկի արշիպելագ (անգլ.՝ Bismarck Archipelago) (նախկինում՝ Նոր Բրիտանիա), Մելանեզիայի կղզեխմբերից մեկը Խաղաղ օվկիանոսում, գտնվում է Նոր Գվինեայից հյուսիս-արևելք։ Պապուա-Նոր Գվինեա պետության մաս։ Մակերեսը մոտ 49 700 կմ²։ Բնակչությունը՝ 472 000 մարդ (2000)։

Աշխարհագրությունը[խմբագրել]

Կազմված ե երկու մեծ կղզինեից (Նոր Բրիտանիա և Նոր Իռլանդիա), Ծովակալության կղզիներից և այլ, ավելի փոքր կղզիներից։

Խոշոր կղզիները լեռնոտ են (Նոր Բրիտանիա կղզու վրա առավելագույն բարձրությունը մոտ 2300 մ), փոքրերը՝ հրաբխային և մարջանային են, կան գործող հրաբուխներ։ Կղզիները ծածկված են խոնավ-արևադարձային անտառներով։

Պապուա - Նոր Գվինեայի նահանգ

Պատմությունը[խմբագրել]

Հայտնաբերվել են 1616 թվականին հոլանդացի Վ. Սխաուտենի և Յ. Լեմերի կողմից, 1884 թվականին դարձել են գերմանական գաղութ և անվանվել են Օտտո ֆոն Բիսմարկի պատվին։

1943 թվականին, համաձայն ճապոնական հրամանատարության «Z» պլանի, այստեղով անցնում էր պաշտպանության գիծը։

Բնակչությունը[խմբագրել]

Էթնիկական կազմը՝ մելանեզիացիներ և պապուասներ։ Նշանակալի բնակավայրերը և նավահանգիստներն են՝ Ռաբաուլ (Նոր Բրիտանիա կղզի), Կավիենգ (Նոր Իռլանդիա կղզի), Լորենգաու (Ծովակալության կղզիներ)։

Տնտեսությունը[խմբագրել]

Աճեցվում է կոկոս, բանան, շաքարեղեգ, ծխախոտ, բամբակ։ Ձկնորսություն և մարգարիտների որս։

Տես նաև[խմբագրել]