Արամ Փախչանյան

Արամ Փախչանյան;
Ծնվել է	ապրիլի 1, 1968 (56 տարեկան)
Ծննդավայր	Երևան, Հայկական ԽՍՀ, ԽՍՀՄ
Ազդել է	«Այբ դպրոց» ; Էյբբի
Մասնագիտություն	ուսուցիչ
Աշխատանք	«Այբ» կրթական հիմնադրամի ՀԽ նախագահ
Զբաղեցրած պաշտոններ	գործադիր տնօրեն
Կայք	Արամ Փախչանյան

Արամ Փախչանյան (ապրիլի 1, 1968(1968-04-01), Երևան, Հայկական ԽՍՀ, ԽՍՀՄ), «Այբ» կրթական հիմնադրամի հոգաբարձուների խորհրդի նախագահ։

Կենսագրություն[խմբագրել | խմբագրել կոդը]

Ավարտել է Երևանի ֆիզմաթ դպրոցը, ապա՝ Մոսկվայի Ֆիզիկատեխնիկական Ինստիտուտը։ Աշխատել է ABBYY ընկերությունում 1993 թվականից մինչեւ 2022 թվականը։ Աշխատել է որպես հետազոտությունների և զարգացման բաժնի ղեկավարի տեղակալ,1997 թվականից՝ կորպորատիվ նախագծերի բաժնի ղեկավար, 1999-2004 թվականներին՝ կորպորատիվ նախագծերի գծով փոխնախագահ։ 2004 թվականի ամռանից եղել է ABBYY ընկերության փոխնախագահը, հանդիսացել է նաև FormReader ծրագրի մենեջերը^[1]^[2]։ Արամ Փախչանյանը կանգնած է եղել ընկերության ակունքներում, ակտիվորեն մասնակցել է բիզնեսի կայացման և զարգացման, միջազգային շուկաներ դուրս գալու գործում։ Այսօր ABBYY-ն ունի 1000-ից ավելի աշխատակիցներ և գրասենյակներ աշխարհի տարբեր երկրներում՝ ներառյալ Գերմանիան, Ուկրաինան, Ճապոնիան, Չինաստանը, Բրազիլիան, Ավստրալիան և ԱՄՆ^[3]։

2006 թվականին Արամ Փախչանյանը մի շարք ընկերների հետ հիմնադրում է «Այբ» ակումբը և «Այբ» կրթական հիմնադրամը։

2014 թվականի հուլիսին Արամ Փախչանյանը դադարեցնում է ակտիվ գործունեությունը ABBYY ընկերությունում և տեղափոխվում է Հայաստան՝ ղեկավարելու «Այբ» դպրոցը ՝ միաժամանակ մնալով ABBYY-ի փոխնախագահի պաշտոնում՝ տարբեր հասարակական կառույցներում ընկերությունը ներկայացնելու իրավասությամբ^[4]։

Հասարակական գործունեություն[խմբագրել | խմբագրել կոդը]

Արամ Փախչանյանն աչքի է ընկնում ակտիվ հասարակական գործունեությամբ։ Հանդիսանում է «Այբ» կրթական հիմնադրամի հոգաբարձուների խորհդրի նախագահ, «Դիլիջանի կենտրոնական դպրոց» կրթական հիմնադրամի հոգաբարձուների խորհրդի անդամ, «Ամրոց» հիմնադրամի համահիմնադիր եւ հոգաբարձուների խորհրդի անդամ։ 2021 թվականի սեպտեմբերից վարում է «Կրթության տապան» հաղորդաշարը Սիվիլնեթ առցանց հեռուստատեսությունում։

Հայաստանի առաջին վենչուրային ընկերության՝ «Գրանատուս Վենչուրս»-ի խորհրդատվական խորհրդի անդամ է։

TEDx Yerevan-ի խորհրդատվական խորհրդի անդամ է։