Ավետիք Ավդալյան
Ավետիք Ավդալյան | |
---|---|
Ծնվել է | 1920 |
Ծննդավայր | Մոլլա-Գյոկչա, Ալեքսանդրապոլի գավառ |
Մահացել է | անհայտ |
Քաղաքացիություն | ԽՍՀՄ |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Ավետիք Բադալի Ավդալյան (1920, Մոլլա-Գյոկչա, Ալեքսանդրապոլի գավառ - անհայտ), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Ավետիք Ավդալյանը ծնվել է 1920 թվականին, Անիի շրջանի Մարալիկ գյուղում։ 1940 թվականին ավարտել է Մարալիկի միջնակարգ դպրոցը։ Աշխատել է որպես շրջանային գրադարանի վարիչ և դպրոցի ֆիզկուլտուրայի ուսուցիչ[1]։
1940 թվականին Ավետիքը զորակոչվել է կարմիր բանակ։ Ծառայել է Լիտվայի արևմտյան սահմաններում։ Ակտիվ մասնակցություն է ունեցել Լատվիայում և Լիտվայում թշնամու դեմ մղված ճակատամարտերում։ Ավդալյանը մարտնչել է Ստալինգրադյան, 1-ին Մերձբալթյան և Լենինգրադյան ռազմաճակատներում, ցուցաբերելով խիզախություն, բարձր կարգապահություն։ Ավդալյանը երկու անգամ վիրավորվել է, բայց չի հեռացել ռազմի դաշտից։ Մարտերում ցուցաբերած արիության և խիզախության համար արժանացել է Կարմիր աստղի, Փառքի 3-րդ աստիճանի շքանշանների և մեդալների։ 1941 թվականին Ավդալյանը ընդունվել է կոմունիստական կուսակցության շարքերը[1]։
Ավդալյանը բանակից զորացրվել է 1946 թվականին և նույն թվականից աշխատել Ձորաշենի յոթնամյա դպրոցում։ 1947 թվականից մինչև 1954 թվականն աշխատել է շրջանային ֆիզկուլտկոմիտեի նախագահ և ֆիկուլտուրա դասավանդել Մարալիկի միջնակարգ դպրոցում, հետագայում անցել է կուսակցական աշխատամնքի[1]։
Պարգևներ[խմբագրել | խմբագրել կոդը]
- Կարմիր աստղի շքանշան
- Փառքի 3-րդ աստիճանի շքանշան