Ամենակարող Բրյուսը

Ամենակարող Բրյուսը Bruce Almighty
Ժանր	կատակերգություն
Երկիր
Թվական	2003
Լեզու	անգլերեն՝
Ռեժիսոր	Թոմ Շիդյակ
Պրոդյուսեր	Ջիմ Քերրի Ջեյմս Բրուբեյքեր
Սցենարիստ(ներ)	Սթիվ Քորեն
Դերակատարներ	Ջիմ Քերրի Ջենիֆեր Անիստոն Մորգան Ֆրիման Սթիվ Քարել
Օպերատոր	Դին Սեմլեր
Երաժշտություն	Ջոն Դեբնի
Ընկերություն	Universal Studios
Տևողություն	101 րոպե
Բյուջե	81 000 000 $
Շահույթ	484 572 835 $
IMDb	ID 0315327
description

«Ամենակարող Բրյուսը» (անգլերեն՝ Bruce Almighty) 2003 թվականին ռեժիսոր Թոմ Շիդյակի կողմից նկարահանված կատակերգական ֆիլմ` Ջիմ Քերրիի գլխավոր դերակատարմամբ:

Սյուժեն

Ֆիլմի հերոս Բրյուս Նոլանը (Ջիմ Քերրի) — հեռուստալրագրող է, ով հայտնի է իր հետաքրքիր և ծիծաղելի սյուժետներով: Նրա հաղորդումները շատերի սիրելի ծրագրերն են, նա կարողանում է ուրախացնել շատերին: Սակայն Բրյուսի երազանքն էր դառնալ մեծ հեռուստավարող և առաջ գնալ իր մասնագիտության մեջ: Նա գրեթե միշտ դժգոհում է իր ճակատագրից և ոչնչից գոհ չէ:

Նրա սիրելի աղջիկը` Գրեյսը (Ջենիֆեր Անիստոն), աշխատում է մանկապարտեզում և իր կյանքից շատ գոհ է: Նա սիրում է Բրյուսին` չնայած նրա հոռետեսական բնավորությանը: Բրյուսը ցանկանում է լեգենդար մարդ դառնալ, իսկ Գրեյսը ամեն օր ցանկանում է մի նոր բան անել շրջապատի համար:

Մի անգամ Բրյուսին հնարավորության է ընձեռնվում պատրաստել հիանալի մի սյուժետ, որը պետք է հեռարձակվի ուղիղ եթերում: Բայց հենց եթերից առաջ Բրյուսը տեղեկանում է, որ այն պետք է վարի իր գործընկեր և հակառակորդ Էվանը (Սթիվ Քարել): Եվ այդպիսով նրա կյանքում անհաջողությունները հաջորդում են մեկը մյուսին, նրա վրա հարձակվում են փողոցային խուլիգանները` կոտրելով նրա մեքենան, անհաջողությունների շարք աշխատավայրում, նույնիսկ նրա ու Գրեյսի հարաբերությունները գնալով վատանում են:

Եվ ահա մի անգամ Բրյուսը պատահաբար հայտնվում է մի մեծ լքված շինությունում, որտեղ հանդիպում է տարօրինակ մի մարդու (Մորգան Ֆրիման), ով սկզբում ներկայանում է որպես հավաքարար, հետո` էլեկտրականության մասնագետ, իսկ վերջում պարզվում է, որ նա հենց աստվածն է: Նա ասում է, որ մշտապես հետևում էր Բրյուսին և լսել է վերջինիս անհաջողությունների մասին, որոնք արդեն հուսալքության են հասցրել նրան: Աստված առաջարկում է Բրյուսին այսպես ասած իր աշխատանքը` օժտելով նրան բոլոր կարողություններով,դրանով աստված փորձում է պարզել, թե արդյո՞ք Բրյուսն ի վիճակի է գլուխ հանել իր գործերից, որոնք անթիվ ու անհամար են:

Բրյուսը համաձայնվում է և նա դառնում է ամենակարող: Ու կարծես թե կյանքում ամեն ինչ ընկնում է իր տեղը, բոլոր խնդիրները լուծվում են ու ամեն ինչ ավելի քան հրաշալի է դառնում Բրյուսի կյանքում: Սակայն կամաց-կամաց պարզվում է, որ աստված լինելը այնքան էլ հեշտ չէ, չէ որ պետք է պատասխանել բոլորի աղոթքներին ու հարցերին ...

Դերերում

• Ջիմ Քերրի - Բրյուս Նոլան
• Մորգան Ֆրիման - աստված
• Ջենիֆեր Անիստոն - Գրեյս Կոննելի
• Սթիվ Քարել - Էվան Բաքսթեր
• Ֆիլիպ Բեյքեր Հոլլ - Ջեք
• Քեթրին Բելլ -Սյուզան