Յունիվերսալ Ստուդիոս, Հոլիվուդյան կինոստուդիա, ներկայումս գործող կինոստուդիաներից ամենահինն է, հիմնվել է 1912 թ. հունիսի 8-ին։ Հիմնադիրն է եղել կինոգործիչ Կառլ Լեմլեն։ 1915-1925 թթ. եղել է ԱՄՆ-ի ամենախոշոր կինոընկերությունը, թողարկելով 400-ից ավելի համր ֆիլմ։
2004 թվականից մտնում է NBC Universal ընկերության կազմում։ Ապրանքանիշի վրա պատկերված է երկրագունդը, որի շուրջը օղակաձև պտտվում է Universal («Տիեզերական») տառերը։ Գլխավոր գրասենյակը գտնվում է Կալիֆորնիայում՝ Լոս Անջելեսում։ Ընկերության անունով մեծ զբոսայգիներ կան Հոլիվուդում, Օռլանդոյում, Սինգապուրում և Օսակայում։