Ալլեգրա Էգլսթոն

Ալլեգրա Էգլսթոն
Ծնվել է	նոյեմբերի 19, 1860(1860-11-19)
Ծննդավայր	Սթիլուոթեր, Մինեսոտա, ԱՄՆ
Վախճանվել է	1933
Քաղաքացիություն	ԱՄՆ
Մասնագիտություն	նկարչուհի, փայտի փորագրող և նկարազարդող
Ժանր	դիմապատկեր
Հայր	Էդվարդ Էգլսթոն
Allegra Eggleston Վիքիպահեստում

Ալլեգրա Էգլսթոն (անգլ.՝ Allegra Eggleston, նոյեմբերի 19, 1860(1860-11-19), Սթիլուոթեր, Մինեսոտա, ԱՄՆ - 1933), 19-րդ դարի ամերիկացի նկարչուհի ԱՄՆ Մինեսոտա նահանգից։ Զբաղվել է փայտի փորագրությամբ, ստեղծել է դիմանկարներ, պատկերազարդել է գրքեր։ Որպես պատկերազարդող համագործակցել է քրոջ` Էլիզաբեթ Էգլսթոն Սիլիի և հոր` Էդվարդ Էգլսթոնի հետ` ստեղծելով մի շարք գրքերի, այդ թվում «Կոլումբոսի պատմությունը» (1892),, «Վաշինգտոնի պատմությունը» և «The Graysons» նկարազարդումները։

Կենսագրություն

Ալլեգրա Էգլսթոնը ծնվել է 1860 թվականին Մինեսոտա նահանգի Սթիլուոթեր քաղաքում` իռլանդական և շոտլանդական արմատներ ունեցող Էդվարդ Էգլսթոնի ընտանիքում։ Մայրը եղել է անգլուհի։ Ալլեգրան եղել է նուրբ և զգայուն երեխա և մանուկ հասակից հետաքրքրություն է ցուցաբերել նկարչության և մոդելավորման հանդեպ։ Վեց տարեկանում փայտից ֆիգուր է փորագրել։ Շարունակ նկարել և կավից իրեր է պատրաստել։ 1875 թվականի հոկտեմբերին հաճախել է Կուպպեր ինստիտուտի դասընթացներին։ Երկու տարվա ընթացքում ստեղծել է ակնառու գործեր և ընդունվել Ուայեթ Իթոնի ստուդիա։ 1879 թվականին հոր և ընտանիքի ուղեկցությամբ մեկնել է Եվրոպա, երկշաբաթյա դասընթաց անցել շվեյցարացի փորագրող վարպետի մոտ, որին զարմացրել է իր տաղանդով, արագ ընկալմամբ ու գործիքների տիրապետման հմտությամբ։

Գործունեություն

Տուն վերադառնալով` Էգլսթոնը սկսում է փորագրել, միաժամանակ ստեղծում է դիմանկարներ, որոնք ցուցադրվել են Ամերիկյան նկարիչների ընկերակցության տարեկան ցուցահանդեսում։ 1882 թվականին «The Century Magazine» խմբագրականի սենյակներում փորագրում է բուխարու կողքի շրջանակները, որոնցից մեկի վրա ստեղծում է Ջոզայա Գիբերտ Հոլանդի դիմաքանդակը։ 1888 թվականին հրդեհի պատճառով աշխատանքը վնասվում է, և Էգլսթոնին հրավիրում են այն վերականգնելու։

Հետագայում զբաղվել է գրքերի նկարազարդմամբ։ Պատկերազարդել է հոր գրքերից, այդ թվում` «The Graysons» գիրքը, քրոջ` Էլիզաբեթ Էգլսթոն Սիլիի հեղինակած «Կոլումբոսի պատմությունը» գիրքը, ինչպես նաև «Վաշինգտոնի պատմությունը» գիրքը։

Անձնական կյանք

Էգլսթոնը ձմռանն ապրել է Նյու Յորքում, տարվա մնացած մասը` Լեյք Ջորջում, որտեղ հոր գրադարանում ունեցել է իր ստուդիան։ Owl's Nest-ում ապրել է ընկերոջ` Մաբել Կուկի հետ (ամուսնացած չեն եղել)։ Էգլսթոնը մահացել է 1933 թվականին։

Պատկերասրահ

• 
  Տիտղոսաթերթ, «The Graysons» (1887)
• 
  Տիտղոսաթերթ, «Կոլումբոսի պատմությունը» (1892)
• 
  Տիտղոսաթերթ, «Վաշինգտոնի պատմությունը» (1893)

Գրականություն

• Willard & M. A. R. Livermore's American Women: Fifteen Hundred Biographies with Over 1,400 Portraits : a Comprehensive Encyclopedia of the Lives and Achievements of American Women During the Nineteenth Century (1897)

Մատենագիտություն

• Eggleston, Edward (1887). The Graysons: A Story of Illinois (Public domain ed.). New York: The Century Company.
• Seelye, Elizabeth Eggleston (1892). Edward Eggleston (ed.). The Story of Columbus (Public domain ed.). New York: D. Appleton and Company.
• Seelye, Elizabeth Eggleston (1893). Edward Eggleston (ed.). The Story of Washington (Public domain ed.). New York: D. Appleton and Company.
• Willard, Frances Elizabeth; Livermore, Mary Ashton Rice (1897). American Women: Fifteen Hundred Biographies with Over 1,400 Portraits : a Comprehensive Encyclopedia of the Lives and Achievements of American Women During the Nineteenth Century (Public domain ed.). Mast, Crowell & Kirkpatrick.

Վիքիպահեստն ունի նյութեր, որոնք վերաբերում են «Ալլեգրա Էգլսթոն» հոդվածին։