Ալիխանե Մամե
Ալիխանե Մամե | |
|---|---|
 | |
| Ծնվել է | հունվարի 6, 1948 |
| Ծննդավայր | Կոշ, Աշտարակի շրջան, Հայկական ԽՍՀ, ԽՍՀՄ |
| Վախճանվել է | դեկտեմբերի 12, 2016 (68 տարեկան) |
| Մասնագիտություն | գրող, բանաստեղծ և հրապարակախոս |
| Քաղաքացիություն |  Հայաստան |
| Պարգևներ |  |
Ալիխանե Մամե (Ալիխան Մամեի Մուսոյան) (հունվարի 6, 1948, Կոշ, Աշտարակի շրջան, Հայկական ԽՍՀ, ԽՍՀՄ - դեկտեմբերի 12, 2016), ճանաչված քուրդ բանաստեղծ, հրապարակախոս[1], ՀԳՄ անդամ՝ 1998 թվականից։
Կենսագրություն[խմբագրել | խմբագրել կոդը]
Ալիխանե Մամեն ծնվել է 1948 թվականի հունվարի 6-ին, Աշտարակի շրջանի Կոշ գյուղում (այժմ՝ ՀՀ Արագածոտնի մարզ)։ 1966 թվականին ավարտել է տեղի միջնակարգ դպրոցը, 1973 թվականինին՝ ԵՊՀ-ի ժուռնալիստիկայի ֆակուլտետը։ Աշխատել է մամուլում, հրատարակչություններում, ՀՀ պետական գրապալատում։ Եղել է Մարդու իրավունքների և ազգային հարցերի մշտական հանձնաժողովի փորձագետը ՀՀ Գերագույն խորհրդի վերջին գումարման ժամանակ, ինչպես նաև՝ ՀԳՄ քուրդ գրողների բաժանմունքի նախագահը։ Հիմնադրել է մի քանի հասարակական կազմակերպություններ։
Առանձին գրքով հրատարակվել է նրա «Երկխոսություն» հրապարակախոսական ժողովածուն։ 2014 թվականին եղել է «Զագրոս» թերթի գլխավոր խմբագիրը[2]։ Աշխատել է «Պիոներ կանչ», «Հայաստանի աշխատավորուհի» խմբագրություններում, 1979 թվականից՝ «Սովետական գրող» հրատարակչությունում։
Հայաստանի գրողների միության անդամ էր 1988 թվականից։ Գրել է քրդերեն, հայերեն՝ դպրոցական տարիքից տպագրվելով գրական մամուլում։ Բանաստեղծությունների առաջին գիրքը եղել է «Կենաց ծով» խորագրով (1993), հաջորդ գրքերը` «Քարը» (1987թ.), («Հող և հաց» 2004 թ. քրդերեն), «Զագրոսի լույսերը» (2008թ. քրդերեն[3]), «Նուրանի» (2010թ, քրդերեն)։ Նրա ստեղծագործության ոգեշնչման աղբյուրը քրդական և հայկական բանահյուսությունն էր[4]։
Մեծ է նրա ներդրումը քրդական լեզվի և գրականության զարգացման գործում։ Նրա ջանքերով են ստեղծվել քրդական դպրոցների 2-րդ, 3-րդ, 4-րդ դասարանների մայրենի լեզվի և գրականության դասագրքերը[5]։ Ալիխանե Մամեի բանաստեղծական շարքերը թարգմանվել են մի շարք լեզուներով՝ վրացերեն, ռուսերեն, անգլերեն, ուկրաիներեն և այլն։
2012 թվականին նրա անգնահատելի գործունեության համար կառավարությունը պարգևատրել է Մովսես Խորենացու մեդալով[4][6]։
Ծանոթագրություններ[խմբագրել | խմբագրել կոդը]
- ↑ «Մահացել է քուրդ ճանաչված բանաստեղծ, հրապարակախոս Ալիխանե Մամեն». Արխիվացված է օրիգինալից 2021 թ․ մայիսի 22-ին. Վերցված է 2021 թ․ մայիսի 22-ին.
- ↑ «Հայաստանի քրդերը». europeanintegration.am (ամհարերեն). Արխիվացված է օրիգինալից 2021 թ․ մայիսի 22-ին. Վերցված է 2021 թ․ մայիսի 22-ին.
- ↑ Մամե, Ալիխանե (2008). Ալեքյան, Բագրատ Գևորգի (ed.). Զագրոսի լույսերը։ Բանաստեղծություններ. Երևան: ՀԳՄ հրատ. ISBN 978-99941-74-51-5.
- ↑ 4,0 4,1 «Ալիխանե Մամե».
- ↑ «Քրդերեն լեզվի և գրականության երեք նոր դասագրքերը բարձր գնահատականի են արժանացել. Ալիխանե Մամե». armenpress.am. Վերցված է 2021 թ․ մայիսի 22-ին.
- ↑ «ԱԼԻԽԱՆԵ ՄԱՄԵ».
Արտաքին հղումներ[խմբագրել | խմբագրել կոդը]
| ||||||
