Ալբերտ Սարգսյան (գիտնական)
Անվան այլ կիրառումների համար տե՛ս՝ Ալբերտ Սարգսյան (այլ կիրառումներ)- Վիքիպեդիայում կան հոդվածներ Սարգսյան ազգանունով այլ մարդկանց մասին։
Ալբերտ Սարգսյան | |
|---|---|
| Ծնվել է | ապրիլի 5, 1939 (85 տարեկան) Պեմզաշեն, Շիրակի մարզ |
| Քաղաքացիություն |  Հայաստան |
| Ազգություն | հայ |
| Մասնագիտություն | գիտնական |
| Գիտական աստիճան | ֆիզիկամաթեմատիկական գիտությունների դոկտոր |
| Կայք | isec.am/science |
Ալբերտ Գուրգենի Սարգսյան (ապրիլի 5, 1939, Պեմզաշեն, Արթիկի շրջան, Հայկական ԽՍՀ, ԽՍՀՄ), ֆիզիկամաթեմատիկական գիտությունների դոկտոր (1982), ՀՀ ԳԱԱ Գիտակրթական միջազգային կենտրոնի գիտական ղեկավար։
Կենսագրություն[խմբագրել | խմբագրել կոդը]
Ալբերտ Սարգսյանը ծնվել է Արթիկի շրջանի Պեմզաշեն ավանում։
1963 թվականին աշխատել է Երևանի պետական համալսարանի կիսահաղորդչային նյութերի և սարքերի ֆիզիկայի պրոբլեմային լաբորատորիայում, 1966-1968 թվականներին եղել է Մոսկվայի ԽՍՀՄ ԳԱ նոր քիմիական պրոբլեմների ինստիտուտի ստաժոր-հետազոտող, 1971 թվականին՝ Երևանի պետական համալսարանի կիսահաղորդչային նյութերի և սարքերի ֆիզիկայի պրոբլեմային լաբորատորիայի կրտսեր գիտաշխատող, 1976-1979 թվականներին ղեկավարել է ԵՊՀ կիսահաղորդչային նյութերի և սարքերի ֆիզիկայի պրոբլեմային լաբորատորիայի խումբը, 1979-1981 թվականներին՝ ԵՊՀ կիսահաղորդչային նյութերի և սարքերի ֆիզիկայի պրոբլեմային լաբորատորիայի սեկտորի վարիչ, 1981-1994 թվականներին՝ ՀՀ կրթության և գիտության նախարարությունում գիտության վարչության պետ, 1994-1999 թվականներին՝ ՀՀ ԳԱԱ Նախագահությունում գիտատեխնիկական քաղաքականության վարչության պետ։ 2002 - 2020 թվականներին ղեկավարել է ՀՀ ԳԱԱ գիտակրթական միջազգային կենտրոնը։ 2020 թվականից հանդիսանում է ՀՀ ԳԱԱ գիտակրթական միջազգային կենտրոնի գիտական ղեկավարը[1]։ Հեղինակ է 158 գիտական աշխատության, 9 գյուտի[2]։
Պարգևներ[խմբագրել | խմբագրել կոդը]
- Մովսես Խորենացու մեդալ (2013)[3]։
- ՀՀ կրթության և գիտության նախարարության գիտության պետական կոմիտեի ոսկե մեդալ, 2015
- ՀՀ ԳԱԱ ոսկե մեդալ, 2019
Ծանոթագրություններ[խմբագրել | խմբագրել կոդը]
- ↑ «ՀՀ ԳԱԱ ԳԿՄԿ գիտական ղեկավար - ISEC». www.isec.am. Վերցված է 2022 թ․ հունիսի 8-ին.
- ↑ «Ալբերտ Սարգսյանը միաձայն վերընտրվեց ՀՀ ԳԱԱ Գիտակրթական միջազգային կենտրոնի տնօրենի պաշտոնում». Արխիվացված է օրիգինալից 2016 թ․ մարտի 5-ին. Վերցված է 2015 թ․ դեկտեմբերի 11-ին.
- ↑ Հայաստանի Հանրապետության շքանշանով և մեդալներով պարգևատրելու մասին