Ազգագրական թանգարան (սերբ.՝ Етнографски музеј), ամենահին թանգարաններից մեկը Բալկանյան թերակղզում[1]։ Գտնվում է Բելգրադի Հին քաղաքի Ստուդենտսկի հրապարակում։
Հավաքածուի ի հայտ գալուն միտված առաջին փորձերը եղել են դեռևս 1867 թվականին Մոսկվայում կազմակերպված սլավոնական ցուցահանդեսին մասնակցելու նպատակով։ 1872 թվականին Սերբիայի գիտական ընկերությունը առաջարկել է ստեղծել թանգարան` ազգագրական ցուցանմուշներով[2]։ Այդ ժամանակից ի վեր հավաքածուն անընդհատ համալրվել է նոր ցուցանմուշներով։ Թանգարանը հիմնադրվել է 1901 թվականի փետրվարին Սերբիայի ազգային թանգարանի ազգագրական հավաքածուի հիման վրա, իսկ առաջին մշտական ցուցահանդեսը բացվել է 1904 թվականին[3]։ Այդ ժամանակներից ցուցանմուշների թիվը գնալով աճել է։ Առաջին և Երկրորդ համաշխարհային պատերազմների ժամանակ ազգագրական թանգարանը զգալիորեն տուժել է` մեծ կորուստներ կրելով[2]։
Թանգարանում պահվում է 151.990 միավոր նմուշ, որոնց թվում` ազգային տարազ, հագուստ, գորգեր, տարբեր արհեստներ ներկայացնող իրեր, ամանեղեն` փայտից, մետաղից, կերամիկայից, կահույք, նկարներ, հին լուսանկարներ, ոչ եվրոպական ծագման առարկաներ և այլն։ Թանգարանի հավաքածուի մաս է համարվում Խրիստիֆոր Կրնիլովիչի ազգագրական հավաքածուն[3]։
Սերբիա
