Ֆերնանդո Ֆադեր

Ֆերնանդո Ֆադեր; իսպ.՝ Fernando Fader
Ծնվել է	ապրիլի 11, 1882
Ծննդավայր	Բորդո
Մահացել է	փետրվարի 28, 1935 (52 տարեկան)
Մահվան վայր	Կորդովա, Արգենտինա
Կրթություն	Մյունխենի գեղարվեստի ակադեմիա
Մասնագիտություն	նկարիչ
	Fernando Fader Վիքիպահեստում

Ֆերնանդո Ֆադեր (իսպ.՝ Fernando Fader, ապրիլի 11, 1882(1882-04-11)^[1], Բորդո - փետրվարի 28, 1935(1935-02-28)^[2], Կորդովա, Արգենտինա), Ֆրանսիայում ծնված արգենտինացի նկարիչ, գերմանական իմպրեսիոնիզմի հիմնական հետևորդն իր երկրում։

Կենսագրություն

Ֆերնանդո Ֆադեյը ծնվել է Բորդոյում, Ֆրանսիայում^[3]։ 1884 թվականին նրա հայրը ընտանիքի հետ տեղափոխվել է Արգենտինայի Մենդոսա քաղաք։ Հինգ տարի անց Ֆերնանդոն վերադարձել է Ֆրանսիա, որտեղ սովորում է տարրական դպրոցում, իսկ հետո ավարտել ուսումնարանը Գերմանիայում։ 1900 թվականին ընդունվել է Մյունխենի արվեստների ակադեմիա, որտեղ վերջնականապես որոշել է իր ապագա մասնագիտությունը։ 1906 թվականին նա հանրությանն է ներկայացրել իր առաջին աշխատանքները։ Նրա բնանկարները մեծ հետաքրքրություն են առաջացրել քննադատների շրջանում։ Նրա հիմնական ոգեշնչումը Մենդոզա նահանգի բնությունն էր, որը գտնվում էր Անդեր լեռների կողքին։

Նա շրջել է Իսպանիայի և Գերմանիայի արվեստի պատկերասրահներում և 1915 թվականին Սան Ֆրանցիսկոյի Խաղաղօվկիանոսյան միջազգային ցուցահանդեսում արժանացել ոսկե մեդալի։

1932 թվականին Ֆերնանդո Ֆադերը 50-ամյակի կապակցությամբ ցուցադրությունը կազմակերպվել է Բուենոս Այրեսի ասոցիացիայի պատկերասրահի նախաձեռնությամբ, որի ընթացքում ներկայացվել են նկարչի 119 աշխատանքներ։ Առողջական խնդիրների պատճառով նա չի մասնակցել միջոցառմանը^[4]։

Ընտանիքի սնանկության և առողջական խնդիրների պատճառով կյանքի վերջին օրերին Ֆերնանդո Ֆադերը ստիպված է եղել փոխել բնակության վայրը և տեղափոխվել Կորդոբա քաղաք՝ ամբողջությամբ նվիրվելով նկարչությանը։

Մահացել է 1935 թվականին։ Նրա նախկին տունը Լոզա Կորալ գյուղում պահպանվում է որպես թանգարան։

Պատկերասրահ

Ձմեռային նահանջ, 1918
Ձիեր 1904
Խոզերին կերակրելիս, յուղաներկ 1904

Ծանոթագրություններ

↑ ^1,0 ^1,1 Գերմանիայի ազգային գրադարանի կատալոգ (գերմ.)
↑ ^2,0 ^2,1 ^2,2 https://www.todo-argentina.net/biografias/Personajes/fernando_fader.htm
↑ «Fader, Fernando (1882–1935) - Routledge Encyclopedia of Modernism». www.rem.routledge.com (անգլերեն). Վերցված է 2022 թ․ փետրվարի 13-ին.
↑ Фернандо Фейдер

Արտաքին հղումներ

Վիքիպահեստն ունի նյութեր, որոնք վերաբերում են «Ֆերնանդո Ֆադեր» հոդվածին։

[_e3fd95f3e6d15c38-1] 1,0 ^1,1 Գերմանիայի ազգային գրադարանի կատալոգ (գերմ.)

[_6339c35ef0e571c3-2] 2,0 ^2,1 ^2,2 https://www.todo-argentina.net/biografias/Personajes/fernando_fader.htm

[3] «Fader, Fernando (1882–1935) - Routledge Encyclopedia of Modernism». www.rem.routledge.com (անգլերեն). Վերցված է 2022 թ․ փետրվարի 13-ին.

[4] Фернандо Фейдер

[1]

[2]

[3]

[4]