Տիգրան Ուրղանջյան

Տիգրան Ուրղանջյան
Ծնվել է	դեկտեմբերի 25, 1924(1924-12-25)
Ծննդավայր	Սուշեհիրի գավառակ
Մահացել է	հոկտեմբերի 11, 1984(1984-10-11) (59 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Երևանի Մխիթար Հերացու անվան Պետական Բժշկական Համալսարան (1949)
Մասնագիտություն	նյարդաֆիզիոլոգ
Գիտական աստիճան	բժշկական գիտությունների դոկտոր (1967)
Աշխատավայր	Լևոն Օրբելու անվան ֆիզիոլոգիայի ինստիտուտ
Կուսակցություն	ԽՄԿԿ

Տիգրան Գառնիկի Ուրղանջյան (դեկտեմբերի 25, 1924(1924-12-25), Սուշեհիրի գավառակ - հոկտեմբերի 11, 1984(1984-10-11), Երևան, Հայկական ԽՍՀ, ԽՍՀՄ), հայ նյարդաֆիզիոլոգ։ Բժշկական գիտությունների դոկտոր (1967): ԽՄԿԿ անդամ 1960 թվականից։

Կենսագրություն

Տիգրան Ուրղանջյանը ծնվել է 1924 թվականի դեկտեմբերի 25-ին, Արևմտյան Հայաստանի Սիվազի մարզի Սուշեհրի քաղաքում։ 1949 թվականին ավարտել է Երևանի բժշկական ինստիտուտը։ 1950 թվականից աշխատել է ՀՍԽՀ ԳԱ Լ․ Օրբելու անվան ֆիզիոլոգիայի ինստիտուտում, 1968 թվականից՝ կենտրոնական նյարդային համակարգի ֆունկցիաների փոխհատուցողահարմարվողականության լաբորատորիայի վարիչ, 1975-1984 թվականներին՝ նաև փոխտնօրեն։

Գիտական աշխատանքները վերաբերում են կենտրոնական նյարդային համակարգի վնասված ֆունկցիաների մեխանիզմների նյարդահումորալ կարգավորման պարզաբանման հասակային և տեսակային առանձնահատկություններին, ողնուղեղային շոկին, ենթակեղևային գոյացությունների ու սիմպաթիկա-ադրենալային համակարգի դերի պարզաբանման, ինչպես նաև նյարդային համակարգի պլաստիկության հարցերին։

Մահ

Մահացել է 1984 թվականի հոկտեմբերի 11-ին Երևան քաղաքում։

Անդամակցություն

• Գլխուղեղի ուսումնասիրության միջազգային կազմակերպության անդամ (1982):

Երկեր

• Возрастные особенности компенсаторного восстановления функций, Е., 1973․

Գրականություն

• Editorial, Board (1984) Biological Journal of Armenia / Биологический журнал Армении, Тигран Гарникович Урганджян / Հայաստանի կենսաբանական հանդես, ՀՍՍՀ ԳԱ, 37 (11). p. 992. ISSN 0366-5119 Արխիվացված 2017-05-12 Wayback Machine