Ստեփան Ակայան

Ստեփան Ակայան
Ծնվել է	1870
Ծննդավայր	Կ. Պոլիս
Մահացել է	1937
Ազգություն	հայ
Ճյուղ(եր)	ճարտարապետություն, նկարչություն
Գործունեություն	ճարտարապետ, մանրանկարիչ

Ստեփան Ակայան (1870, Կոստանդնուպոլիս, Օսմանյան կայսրություն - 1937), հայ մանրանկարիչ, ճարտարապետ։

Կենսագրություն

Ծնվել է Պոլսում։ Նախնական կրթությունը ստացել է ծննդավայրի հայկական դպրոցում, ապա շարունակել Գեղարվեստների վարժարանում, որն ավարտել է 1891 թվականին։ Միառժամանակ պաշտոնավարել է երկաթուղային վարչությունում, ապա զբաղվել նկարչությամբ։ Նրա «Մեծն Աղեքսանդրի գերեզմանի նմանագրությունը» ուղարկվել է Փարիզի ցուցահանդես և արժանացել մեդալի։ Թուրքական կառավարությունից էլ ստացել է «Արվեստի ոսկե մեդալ»։ Գերազանցապես աչքի է ընկել մանրանկարչությամբ։ Նամականիշի մեծությամբ և գունավոր նկարել է հայ նշանավոր դեմքերի նկարները, որոնք ժամանակին արժանացել են ջերմ ընդունելության։ Նկարազարդել է Թեոդիկի տարեցույցները և այլ գրքեր։