Հաստոցային արվեստ

Հաստոցային արվեստ, տերմին, որով բնորոշում են գեղարվեստական ինքնուրույն արժեք ունեցող (օրինակ, ի տարբերություն մոնումենտալ արվեստի ստեղծագործության և գրքի պատկերազարդման) գեղանկարչական (կտավի նկարը), քանդակագործական (արձան, կիսանդրի, արձանախումբ, ռելիեֆ) և գրաֆիկական (էստամպ, հաստոցային գեղանկարչություն) ստեղծագործությունները, որոնք անմիջականորեն չեն նախատեսված որևէ շինության, հրատարակության և այլնի համար։ Անկախ տեղից հաստոցային արվեստի ստեղծագործությունների գաղափարագեղարվեստական արտահայտչականությունը չի փոփոխվում։

Ստուգաբանություն

«Հաստոցային արվեստ» տերմինն առաջացել է «հաստոց» բառից, որի վրա ստեղծվում են հաստոցային արվեստի ստեղծագործությունները (գեղանկարչության մեջ, օրինակ, դա նկարակալն է)։ Մոնումենտալ արվեստը լայնորեն զարգացել է Վերածննդի դարաշրջանից, հատկապես XIX դարից։

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հաստոցային արվեստ կատեգորիայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 256)։