Մրցություն (մուլտֆիլմ)

Մրցություն
Պատկեր:Состязание 1986.jpg
Տեսակ	կարճամետրաժ մուլտիպլիկացիոն ֆիլմ
Ժանր	պրիտչա
Շարքի մասն է	Ուրախ կարուսել
Ռեժիսոր	Լյուդմիլա Կոշկինա
Սցենարիստ	Ռոզա Խուսնուտդինովա
Երաժշտություն	Վլադիմիր Դավիդենկո
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	4 րոպե
Շարք	Ուրախ կարուսել
Թվական	1986

Մրցություն (ռուս.՝ Состязание), խորհրդային կարճամետրաժ մուլտիպլիկացիոն ֆիլմ, որը նկարահանվել է 1986 թվականին: Պատմում է սև ու սպիտակ ներկերով զինված երկու տղաների ճակատամարտի մասին: «Ուրախ կարուսել» № 17 մուլտիպլիկացիոն ալմանախի երկու սյուժեներից երկրորդն է:

Սյուժե

Երկու տղաներ մրցույթ են կազմակերպում: Նրանցից մեկը զինված էր սպիտակ ներկերով, իսկ մյուսը` սև: Սկսելով նկարել պատի վրա` նրանք նորանոր կերպարներ են ստեղծում, որոնք մտնում են պայքարի մեջ: Նախ հայտնվում են ճուտիկն ու ագռավը, հետո` հնդկահավն ու խոզը: Խոզը դառնում է վիշապ, իսկ հնդկահավը` ձի: Բայց հետո ձին դառնում է սպիտակ փիղ: Սև ներկերով զինված տղան փղին տեղավորում է սև վանդակի մեջ: Եվ այստեղ վիճաբանությունը նկարված կերպարներից փոխանցվում է նկարիչներին: Կռվի ժամանակ տղաները փոխում են իրենց վրձինները, և կրկին մարտի մեջ են մտնում պատին նկարված հերոսներն ու առարկաները: Թվում է, թե հակամարտությունը վերջ չունի, երբ անսպասելիորեն հաջողվում է ստեղծել այն, ինչը ներդաշնակորեն համատեղում է սև և սպիտակ ներկերը. դա գիշերային երկինքն է աստղերով: Երկնքի վարագույրը բացվում է, և պարզ է դառնում, որ հակասությունները կարող են խաղաղ գոյատևել, ինչպես, օրինակ, շերտավոր զեբրը, նավաստին` շերտավոր շապիկով, սև-սպիտակ կատուն, պինգվինն ու կաչաղակը, իսկ վերջում` դաշնամուրի` ճանապարհի նմանվող ստեղները:

Հեղինակներ

• Ռեժիսոր` Լյուդմիլա Կոշկինա
• Բեմադրող նկարիչ` Դմիտրի Կուլիկով
• Կոմպոզիտոր` Վլադիմիր Դավիդենկո

Արտաքին հղումներ

• «Մրցություն»(անգլ.) ֆիլմը Internet Movie Database կայքում
• «Ուրախ կարուսել» № 17, «Մրցություն» մուլտֆիլմը «Անիմատոր.ռու» կայքում