Լաթակիայի գավառ

Լաթակիայի գավառ
Երկիր	Սիրիա
Կարգավիճակ	Սիրիայի գավառներ
Մտնում է	Լաթակիայի մարզ
Վարչկենտրոն	Լաթակիա
Բնակչություն	526 888 մարդ (2004)
Տարածք	971,61 կմ²
Ժամային գոտի	UTC+2
Լաթակիայի գավառ Վիքիպահեստում

Լաթակիայի գավառ (արաբ․՝ منطقة اللاذقية‎‎), Սիրիայի Արաբական Հանրապետության գավառի կարգավիճակ ունեցող վարչական միավոր, որը հանդիսանում է Լաթակիայի մարզի 4 գավառներից մեկը։

Բնակչություն

Ըստ 2004 թվականի մարդահամարի Լաթակիայի գավառի բնակչությունը կազմում է 526 888 մարդ։ Գավառիի կենտրոնը համարվում է Լաթակիա քաղաքը։

Տնտեսություն

Լաթակիայի գավառի տնտեսության կարևորագույն ոլորտը գյուղատնտեսությունն է։ Այստեղից արտահանվում են ցիտրուսային մրգեր, խնձոր, ձիթապտուղ։ Ամառային ամիսներին զարգացած է նաև զբոսաշրջությունը։

Տրանսպորտ

Լաթակիայում է գտնվում հանրապետության օդային դարպասներից մեկը՝ Բասիլ ալ-Ասադ միջազգային օդանավակայանը (արաբ․՝ مطار باسل الأسد الدولي‎‎)։ Քաղաքը գտնվում է Միջերկրական ծովի ափին, և իր ծովախորշը հնագույն ժամանակներից եղել է կարևոր նավահանգիստ։ Լաթակիայում գործում է նաև ավտոմոբիլային ու երկաթուղաին տրանսպորտային զարգացած ցանց։

Վարչական բաժանումը և բնակչության թվականակը

Լաթակիայի գավառը կազմված է 7 շրջաններից (բնակչության թվաքանակը ներկայացված է 2004 թվականի մարդահամարի տվյալներով)։ Դրանք են՝

• Այն ալ-Բայդայի շրջան (արաբ․՝ ناحية عين البيضا‎‎), կենտրոն՝ Այն ալ-Բայդա, բնակչություն՝ 30 959 մարդ
• Ալ-Բահլուլիայի շրջան (արաբ․՝ ناحية البهلولية‎‎), կենտրոն՝ Ալ-Բահլուլիա, բնակչություն՝ 17 532 մարդ
• Լաթակիայի շրջան (արաբ․՝ ناحية اللاذقية‎‎), կենտրոն՝ Լաթակիա, բնակչություն՝ 424 392 մարդ
• Կաստալ Մաաֆի շրջան (արաբ․՝ ناحية قسطل معاف‎‎), կենտրոն՝ Կաստալ Մաաֆ, բնակչություն՝ 16 784 մարդ
• Հանադիի շրջան (արաբ․՝ ناحية هنادي‎‎), կենտրոն՝ Հանադի, բնակչություն՝ 27 080 մարդ
• Ռաբիայի շրջան (արաբ․՝ ناحية ربيعة‎‎), կենտրոն՝ Ալ-Բահլուլիա, բնակչություն՝ 8 214 մարդ
• Քեսաբի շրջան (արաբ․՝ ناحية كسب‎‎), կենտրոն՝ Քեսաբ, բնակչություն՝ 1 927 մարդ

Պատկերասրահ

		Պատկեր:الكورنيش الجنوبي 1.jpg
Միջերկրական ծով	Քեսաբի շրջան	Լաթակիա