Սուրբ Հակոբ եկեղեցի (Արարատ)

Սուրբ Հակոբ եկեղեցի;
Հիմնական տվյալներ
Տեսակ	եկեղեցի և մշակութային արժեք
Երկիր	Հայաստան
Տեղագրություն	Հայաստան Արարատի մարզ, Արարատ գյուղ
Դավանանք	Հայ Առաքելական Եկեղեցի
Թեմ	Արարատյան Հայրապետական թեմ
Հոգևոր կարգավիճակ	Գործող
Հիմնական ամսաթվերը	1866
Ներկա վիճակ	Կանգուն
Կազմված է	Զանգակատուն
Ժառանգության կարգավիճակ	մշակութային հուշարձան Հայաստանում
Ճարտարապետական ոճ	հայկական ճարտարապետություն
Կառուցման ավարտ	19-րդ դար
Հիմնադրված	1866
	Saint Hakob church (Ararat) Վիքիպահեստում

Անվան այլ կիրառումների համար տե՛ս՝ Սուրբ Հակոբ եկեղեցի (այլ կիրառումներ)

Սուրբ Հակոբ եկեղեցի, Հայ Առաքելական եկեղեցի Արարատի մարզի Արարատ գյուղում։ Ընդգրկված է Արարատի պատմության և մշակույթի անշարժ հուշարձանների ցանկում։

Պատմություն

Գտնվում է Արարատ գյուղում։ Կառուցվել է 1866 թվականին Պարսկաստանի Մակու քաղաքից այստեղ ներգաղթած հայերի նախաձեռնությամբ։ Բազիլիկ կառույց է, որը երկու շարք երեքական մույթերով բաժանվում է երեք նավերի։ Կիսաշրջանաձև խորանի երկու կողմերում ուղղանկյուն ավանդատներ են։ Ձախակողմյան ավանդատան մոտ մկրտության ավազանն է։ Խորանի աջ և ձախ կողմերում կամարակապ որմնախորշեր են։ Եկեղեցին ունի երեք մուտք՝ հյուսիսային, արևմտյան և հարավային։ Կառուցված է տեղական գորշ տրավերտին քարով։ Պատերը ներսից սվաղված են կրով։

Եկեղեցուն կից զանգակատունը կառուցվել է 1866 թվականին, վերակառուցվել՝ 2008-2010 թթ.՝ հովանավորներ Սամվել և Ստեփան Վարդանյանների կողմից^[2]։