Ռուզան Վիթ Մեսրոպյան
- Վիքիպեդիայում կան հոդվածներ Մեսրոպյան ազգանունով այլ մարդկանց մասին։
 | |
|---|---|
| Ծնվել է | 1973 մարտի 25 |
| Ծննդավայր | Երևան,  Հայաստան |
| Կրթություն | Երևանի պետական գեղարվեստա-թատերական ինստիտուտ (1994) |
| Քաղաքացիություն | Հայաստան |
| Ազգություն | հայ |
| Մասնագիտություն | Դերասանուհի |
| Աշխատավայր | Երևանի պատանի հանդիսատեսի թատրոն և Գաբրիել Սունդուկյանի անվան ակադեմիական թատրոն |
| Ընտրանի | «Քրմուհին» «Լռության նախերգանք» |
Ռուզան Վիթ Մեսրոպյան (մարտի 25, 1973, Երևան, Հայկական ԽՍՀ, ԽՍՀՄ), հայ դերասանուհի։
Կենսագրություն
[խմբագրել | խմբագրել կոդը]1990-1994 թվականներին սովորել է Երևանի գեղարվեստա-թատերական ինստիտուտի կինոյի և թատրոնի դերասանի ֆակուլտետում։ 1992-1994 թվականներին աշխատել է Երևանի Պատանի հանդիսատեսի թատրոնում, որտեղ խաղացել է Ա. Վոլոդինի «Մողեսը», Է. դե Ֆիլիպոյի «Ծննդյան տոները սինյոր Կուպելոյի տանը», Ռոզովի «Երջանկություն որոնելիս» ներկայացումներում։ 1994-1995 թվականներին աշխատել է Երևանի Համազգային թատրոնում, որտեղ խաղացել է «Անբան Հուռի», «Օսկար», «Լիր Արքա» և այլ ներկայացումներում։ 1995-1996 թվականներին աշխատել է Երևանի Սունդուկյանի անվան ազգային ակադեմիական թատրոնում, եղել է «Էքսպրես լուսանկար» ցուցահանդես-մրցույթ հաղորդաշարի հաղորդավարը։ 1995-1996 թվականներին մասնակցել է Մոսկվայի հետ համատեղ «Ավե Մարիա» դասական պարային շոու-ներկայացմանը (խորեոգրաֆ՝ Նորայր Մեհրաբյան, բեմադրիչ՝ Վահե Շահվերդյան)[1]։
Ներկայացումներ, դերեր
[խմբագրել | խմբագրել կոդը]1996 թվականին նկարահանվել է Փարիզում՝ Հիներ Սալեմի «Անցնող Երազներ» ֆրանսիական ֆիլմում (Ժաքի Ներսեսյանի, Օլիվյե Սիտրուկի, Անեմոնի, Պատրիկ Բուշիտեյի մասնակցությամբ), գլխավոր՝ Զառայի դերում։ 1997 թվականին հանդես է եկել Լայզա Մինելիին նվիրված շոու-ծրագրում, «Կաբարե տրիո» խմբում՝ որպես պարուհի՝ Բոբ Ֆոսսին։ 1998 թվականին Սունդուկյանի անվան թատրոնում հանդես է եկել «Մերժվածը» ներկայացման գլխավոր հերոսուհու դերով։ Նույն թվականին Փարիզում նկարահանվել է «Մենություն» ֆիլմում Լիլիի դերում (Իվան Ֆրանեկի, Հաննա Շիգուլայի մասնակցությամբ), եղել է այս ֆիլմի զգեստների գլխավոր նկարչուհին։ 2004 թվականին հանդես է եկել «Լիմոնի օղի» ֆրանսիական ֆիլմում՝ Զինեյի դերում և եղել է ֆիլմի զգեստների գլխավոր նկարչուհին։ 2006 թվականին խաղացել է Վիգեն Չալդրանյանի «Քրմուհին» ֆիլմում՝ գլխավոր դերում[2], Գայանե Գասպարյանի «Լռության նախերգանք» ֆիլմում։ 2012 թվականին գրել է «Հարճը» գեղարվեստական ֆիլմի սցենարը՝ ուղղված մարմնավաճառության դեմ, դրամատուրգ Վ. Թումասյանի համագործակցությամբ։
Ֆիլմեր
[խմբագրել | խմբագրել կոդը]- «Տեր, ողորմյա»
- «Լռության նախերգանք»
- «Լիմոնի օղի»
- «Մենություն»
- «Քրմուհին»
- «Վոդկա լիմոն»
- «Խենթ հրեշտակը»
- «Սուպեր մամա 2»
Հեռուստասերիալներ
[խմբագրել | խմբագրել կոդը]- «Հատուկ բաժին»
- «Օտարը»
- «Հոսանքին հակառակ»
- «Նռան հատիկ»
- «Ժիրայր Գլենց»
- «Պատվից առավել»
- «Հերոսական նովելներ»
- «Ծաղիկներ ձյան տակ»
- «Երեսուն արծաթ»
Մրցանակներ
[խմբագրել | խմբագրել կոդը]- 2006 «Տարվա լավագույն դերասանուհի»
- 2009 Նյու Յորքի միջազգային ֆիլմերի փառատոնի ժամանակ «Քրմուհին» ֆիլմով ճանաչվել է «Լավագույն դերասանուհի»
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]
|
