Ռոբերտ Հակոբյան

Վիքիպեդիայում կան հոդվածներ Հակոբյան ազգանունով այլ մարդկանց մասին։

Ռոբերտ Հակոբյան
Ծնվել է	մարտի 17, 1964(1964-03-17) (60 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասան
Պարգևներ և մրցանակներ

Ռոբերտ Դուրմիշխանի Հակոբյան (մարտի 17, 1964(1964-03-17), Թբիլիսի, Վրացական ԽՍՀ, ԽՍՀՄ), հայ դերասան, ՀՀ վաստակավոր արտիստ (2007)։

Դերասանուհի Լիլիթ Աբելյանի ամուսինն է։

Կենսագրություն

Ռոբերտ Հակոբյանը ծնվել է 1964 թվականին, Թբիլիսի քաղաքում։ 1985 թվականին ավարտել է Երևանի գեղարվեստա-թատերական ինստիտուտը։ Աշխատել է Երևանի և Թբիլիսիի մի շարք թատրոններում՝ որպես դերասան։ Երկար տարիներ հանդես է եկել Պետրոս Ադամյանի հայկական դրամատիկական թատրոնում։ 2004 թվականից աշխատում է Երևանի Ստանիսլավսկու անվան ռուսական դրամատիկական թատրոնում` որպես դերասան։ Մասնակցել է տարբեր միջազգային թատերական փառատոների Բրեստում, Մոսկվայում, Կալինինգրադում, Տոմսկում և այլն։ Թատերագետների կողմից բարձր գնահատականին են արժանացել նրա «Ամոկ», «Ձեզ եմ դիմում…» մոնոներկայացումները։

Դերեր

• Ալի՝ «Փշրված շղթա»
• Ստեփան՝ «Հիշատակի աղոթք»
• Սամսոն Ալադյան՝ Շիրվանզադեի «Արմենուհի»
• Պարոն Կոշլեն՝ Մոպասանի «Կտակ»
• Իշխան Պանտիաշվիլի՝ «Խանումա»
• Դատավոր՝ Գոգոլի «Ռևիզոր»
• Սևադա՝ «Աղջիկը` նվեր»
• Լիպովեցկի՝ Պոլյակովի «Համադասարանցիներ»

2012 թվականին նկարահանվել է Հրաչ Քեշիշյանի «Գարեգին Նժդեհ» ֆիլմում։

Հեռուստասերիալներ

• «Կյանքի գինը»
• «Հանուն սիրո»
• «Երեք կյանք»
• «Վերջին հայրիկը»
• «Կյանքը շարունակվում է»
• «Օտարը»
• «Բացի՛ր աչքերդ»
• «Սահմանին»
• «Հետհաշվարկ»
• «Ծղրիդի երգը»
• «Անհասցե ծնվածները»
• «Կհանդիպենք անտառի տնակում»
• «Ապրիր ինձ հետ»

Պարգևներ, մրցանակներ

• Բրեստի «Բելայա վեժա» թատերական փառատոնի դափնեկիր
• ՀՀ վաստակավոր արտիստ, 2007