Պուշկինի փողոց (Կազան)

Պուշկինի փողոց ; թաթ.՝ Пушкин урамы
Երկիր	Ռուսաստան
Գտնվում է	Կազան, 1-ին ոստիկանական տեղամաս և Վախիտովսկի շրջան
Երկարություն	1900 ± 1 մետր
Անվանվել է	Ալեքսանդր Պուշկին
Փոստային ինդեքս	420015, 420060, 420107 և 420111

Անվան այլ կիրառումների համար տե՛ս՝ Պուշկինի փողոց (այլ կիրառումներ)

Պուշկինի փողոց (թաթ.՝ Пушкин урамы), Կազանի կենտրոնական փողոցներից մեկը, որն անվանվել է Ալեքսանդր Պուշկինի անունով 1899 թվականին՝ իր ծննդյան, բանաստեղծի 100-ամյակի տոնակատարության ժամանակ։

Պատմություն

Վերին Ֆեոդորովյան անվանումով փողոցը սկսվել է Կազանկա գետի վերին ափի Ֆեոդորովյան երրորդություն վանքից։ Փողոցի շարունակությունն էր 1-ին թատերական փողոցը, որը մինչև այգի անցնում էր Թատերական հրապարակով։ 1899 թվականին այդ փողոցները միավորվել և անվանվել են Ալեքսանդր Պուշկինի անունով՝ նրա 100-ամյա տարելիցի կապակցությամբ։ 1996 թվականին Պուշկինի փողոցը միացվել է Կույբիշևի փողոցի հետ^[1] և այսպիսով ձգվելով մինչև Կույբիշևի հրապարակ (այժմ`Տուկայի հրապարակ) և Տուկայի անվան պուրակ։

Շինություններ փողոցում

Պուրակներ և հրապարակներ

Պուշկինի փողոցի մոտակայքում է գտնվում Տուկայի պուրակը և Լենինի այգին, այն անցնում է Տուկայի հրապարակով, Ազատության հրապարակով և ավարտվում է Սուլթան Գալիևի հրապարակում։

Հուշարձաններ

Ալեքսանդր Պուշկինի հուշարձան
Ալեքսանդր Բուտլերովի հուշարձան
Մուլլանուր Վախիտովի հուշարձան
Լև Գումիլյովի հուշարձան
Գաբդուլլա Տուկայի հուշարձան
Վլադիմիր Լենինի հուշարձան

Շենքեր

Փողոցում են գտնվում Թաթարստանի և Կազանի համար կարևոր վարչական շենքեր, մշակութային հաստատություններ, առևտրի կենտրոններ, ուսումնական հաստատություններ, տներ և հյուրանոցներ։

Վարչական շենքեր

Թաթարստանի Հանրապետության նախարարների կաբինետ
Թաթարստանի Հանրապետության պետական խորհուրդ
Թաթարստանի Հանրապետության Գերագույն դատարան
Թաթարստանի Հանրապետության Սահմանադրական դատարան
Կազանի ռատուշա
Ռուսաստանի Դաշնության կենսաթոշակային հիմնադրամի Թաթարստանի Հանրապետության մասնաճյուղ

Մշակութային հաստատություններ

«Կազան» ազգային-մշակութային կենտրոն
Ս. Սայդաշևի անվան պետական մեծ համերգասրահ
Թաթարստանի Մուսա Ջալիլի անվան պետական ակադեմիական օպերայի և բալետի թատրոն
Կազանի համալսարանի մշակութա-սպորտային համալիր

Առևտրի կենտրոններ

«Կոլցո»
«Colosseum»
«ԳՈւՄ»

Կրթական հաստատություններ

Կազանի պետական կոնսերվատորիա
Թաթարական հանրագիտարանի և տարածաշրջանային ուսումնասիրությունների ինստիտուտ
Արևելագիտության և միջազգային հարաբերությունների ինստիտուտ

Հյուրանոցներ

«Գրանդ հոթել Կազան»
«Թաթարստան»

Տրանսպորտ

Փողոցով անցնում են ավտոբուսներ (երթուղիներ՝ 10, 10 ա, 29, 30, 35, 35ա, 54, 63, 71, 90 և 91) և տրոլեյբուսներ (երթուղիներ՝ 2, 3, 5, 7 և 8)։ Այն նաև հատվում է մետրոպոլիտենի գծով («Գաբդուլլա Տուկայի հրապարակ» կայարան)։ Մինչև 2008 թվականն այստեղ հասնում էր տրամվայի գիծը։