Պերճ Ազնավուրյան

Պերճ Ազնավուրյան
1917 -
Ծննդավայր	Չամդուրա, Ախալքալաքի շրջան, Սամցխե-Ջավախեթի մարզ, Վրաստան
Քաղաքացիություն	ԽՍՀՄ
Մարտեր/ պատերազմներ	Հայրենական մեծ պատերազմ
Պարգևներ

Պերճ Պերճի Ազնավուրյան (1917, Չամդուրա, Ախալքալաքի շրջան, Սամցխե-Ջավախեթի մարզ, Վրաստան), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Կենսագրություն

Պերճ Ազնավուրյանը ծնվել է 1917 թվականին, Ախալքալաքի գավառի Չամդուրա գյուղում։ Ավարտել է Ախալքալաքի հայկական մանկավարժական ուսումնարանը։ Պատերազմից առաջ նա աշխատում էր Ախալքալաքի դպրոցներում։

Պատերազմի առաջին օրերից հակառակորդի դեմ մարտնչել է 113-րդ, 173-րդ հրետանային, 572-րդ ականանետային գնդում։ Եղել է հեռախոսային ջոկի հրամանատար։ Արժանացել է «Խիզախության համար» երկու մեդալի, Կարմիր աստղի, Փառքի երրորդ աստիճանի շքանշանների և այլ պարգևների։ Երկու անգամ վիրավորվել է և բուժվելուց հետո շարունակել ծառայությունը գործող բանակում։

Բարձրագույն կրթությունն ստացել է Թբիլիսիում և Երևանում։ Ետպատերազմյան տարիներին ֆիզիկա, մաթեմատիկա է դասավանդել սկզբում Ախալքալաքի, 1960 թվականից՝ Երևանի №№ 105, 116 և 140 դպրոցների բարձր դասարաններում։ Պարգևատրվել է «Աշխատանքի վետերան» մեդալով։