1922-1926 թվականներին սովորել է Մոսկվայի Բելառուսական դրամատիկական ստուդիայում։ 1926-1930 թվականներին, 1936-1951 թվականներին (ընդհատումներով) աշխատել է Վիտեբսկի Բելառուսական 2-րդ պետական դրամատիկական թատրոնում (այժմ՝ Յակուբ Կոլասի անվան թատրոն)։ 1951 թվականից աշխատել է Յանկա Կուպալայի անվան բելառուսական թատրոնում (Մինսկ)։
Լավագույն դերերից են՝ Համլետ (Շեքսպիրի«Համլետ»), Սորին (Անտոն Չեխովի «Ճայը»), Դոկտոր (Նազիմ Հիքմեթի «Բոլորից մոռացվածը»)։ Ստեղծել է Վլադիմիր Լենինի կերպարը Պոգոդինի «Հրացանավոր մարդը», Զորինի «Հավերժական աղբյուր» և այլ բեմադրություններում։ Նկարահանվել է կինոյում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 693)։