Պավել Ավետիսյան

Վիքիպեդիայում կան հոդվածներ Ավետիսյան ազգանունով այլ մարդկանց մասին։

Պավել Ավետիսյան
Ծնվել է	նոյեմբերի 20, 1957(1957-11-20) (66 տարեկան) Թբիլիսի, Վրացական ԽՍՀ, ԽՍՀՄ
Քաղաքացիություն	Վրաստան
Մասնագիտություն	պատմաբան և հնագետ
Հաստատություն(ներ)	Հնագիտության և ազգագրության ինստիտուտ
Ալմա մատեր	Երևանի պետական համալսարան
Գիտական աստիճան	պատմական գիտությունների դոկտոր
Պարգևներ

Պավել Սեդրակի Ավետիսյան (նոյեմբերի 20, 1957(1957-11-20), Թբիլիսի, Վրացական ԽՍՀ, ԽՍՀՄ), հայ պատմաբան, հնագետ։ Պատմական գիտությունների դոկտոր (2014 թ.): ՀՀ ԳԱԱ թղթակից անդամ (2014 թ.): ՀՀ ԳԱԱ հնագիտության և ազգագրության ինստիտուտի տնօրեն (2006 թվականից)։

Կենսագրություն

Պավել Ավետիսյանը ծնվել է Թբիլիսիում 1957 թվականին։ 1980 թվականին ավարտել է Երևանի պետական համալսարանը։ 1993 թվականից աշխատում է ՀՀ ԳԱԱ հնագիտության և ազգագրության ինստիտուտում։ 2006 թվականից զբաղեցնում է ՀՀ ԳԱԱ հնագիտության և ազգագրության ինստիտուտի տնօրենի պաշտոնը։ Հայաստանի միջգերատեսչական հնագիտական հանձնաժողովի փոխնախագահն է, Հայաստանի մշակույթի նախարարության գիտամեթոդական խորհրդի և փորձագիտական խորհրդի անդամ, ՀՀ ԳԱԱ հնագիտության և ազգագրության մասնագիտական խորհրդի նախագահ (2010 թ.):

2004 թվականից Հայ-ֆրանսիական հնագիտական արշավախմբի ղեկավարն է (NRS, Lion, Maison de l’Orient et de la Mediterranee), 2009 թվականից՝ Հայ-ֆրանսիական միջազգային համատեղ լաբորատորիայի ղեկավար (LIA, CNRS), 2012 թվականից ղեկավարում է հայ-ամերիկյան հնագիտական արշավախումբը։

Հիմնական աշխատությունները նվիրված են Հայկական լեռնաշխարհի, Առաջավոր Ասիայի հնագիտական ուսումնասիրության հարցերին, լեռնաշխարհի հնագիտական մշակույթների փուլաբաժանման համակարգի մշակմանը, սոցիալական էվոլյուցիայի առանձնահատկություններին։ Հեղինակ է գիտական հոդվածների, մենագրությունների։

Պարգևներ

• Մովսես Խորենացու մեդալ, 2011 թ.

Զեկույցներ

• "Ceramics in Transitions. Chalcolithic Though Iron Age in the Highlands", New York (2003)
• "Archaeology, Ethnology and Folklore of the Caucasus", Yerevan, (2003)
• "Mythical Landscapes Then and Now", Yerevan, (2005)
• "Von Majkop bis Trialeti"` Բեռլին, (2006)
• "Archaeology of Armenia in regional context", Yerevan, (2009)
• Հայագիտական միջազգային երկրորդ համաժողով, Երևան (2013)
• Environment and Societies in the Southern Caucasus during the Holocene, Լիոն (2013)
• "Current Practices in Armenian Studies: The Creation and Visibility of New Knowledge", Los Angeles (2014)
• Religious interactions in Ancient Armenia 8th c. BC - 5th c. AD VIIIe siècle av. J.-C. – V siècle ap. J-.C., Փարիզ, (2015)