Ուրախ գերեզմանատուն

Ուրախ գերեզմանատուն

Ուրախ գերեզմանատուն (ռումիներեն՝ Cimitirul Vesel), գերեզմանատուն Ռումինիայի Մարամուրեշ կոմսության Սեպինցա գյուղում։ Հայտնի է իր վառ ու գույնզգույն շիրմաքարերով, որոնք զարդարված են նայիվ արվեստի ոճին բնորոշ ինքնատիպ նկարներով ու բանաստեղծական տողերով, որոնցում ներկայացված են թաղված մարդիկ կամ դրվագներ նրանց կյանքից։ Գերեզմանատունը դարձել է թանգարան բաց երկնքի տակ ու զբոսաշրջության ազգային կենտրոն։

Գերեզմանատան առանձնահատկությունն այն է, որ նրա ընդհանուր տեսքը հակասում է Եվրոպայում մահվան՝ որպես սգալի ու մռայլ երևույթի ըմբռնմանը։ Գերեզմանատան առաջացումը կապվում է գետո-դակերի մշակույթի հետ, ովքեր հավատում էին հոգու անմահությանը և նրան, որ մահը լի է ուրախությամբ ու ավելի լավ կյանքի ակնկալիքով։

2009 թվականից անցկացվում է «Երկար ճանապարհ դեպի Ուրախ գերեզմանատուն» փառատոնը։

Հիմնադիր

Ոչ սովորական գերեզմանատան հիմնադրումը կապվում է Ստան Յոան Պետրաշի (ռումիներեն՝ Stan Ioan Pătraş) անվան հետ։ Նա տեղաբնակ էր, որ զբաղվում էր փայտի վրա փորագրությամբ։ 1960-ական թվականներին գերեզմանատանը հայտնվեցին ավելի քան 800 կաղնե խաչեր, որ պատրաստվել էին Ստան Յոնա Պետրաշի կողմից։ Նրա շիրմաքարին գրված է.

Իմ ողջ կյանքի ընթացքում
Ես ոչ ոքի դեմ չարութուն չեմ գործել...

Պատկերասրահ

• 
• 
  Ստան Յոան Պետրաշի (1908 - 1977) շիրմաքարը
• 
  Եկեղեցի Ուրախ գերեզմանատանը
• 
• 
• 
• 
• 
• 

Ուրախ գերեզմանատուն էջը Վիքիպահեստում

Արտաքին հղումներ

• Լուսանկարներ ու էպիտաֆիաներ (ռումիներեն) Արխիվացված 2016-04-03 Wayback Machine
• Լուսանկարներ Արխիվացված 2009-02-08 Wayback Machine
• Brandon's Photos of the Merry Cemetery Արխիվացված 2013-01-24 archive.today