Նիկոլայ Ալբոկրինով
| Նիկոլայ Ալբոկրինով | |
|---|---|
| նոյեմբերի 28, 1887 - 1920 | |
| Ծննդավայր | Սարատով, Ռուսական կայսրություն |
| Մահվան վայր | Տոմսկ, Խորհրդային Ռուսաստան |
| Կոչում | փոխգնդապետ |
| Մարտեր/ պատերազմներ | Առաջին համաշխարհային պատերազմ և Ռուսաստանի քաղաքացիական պատերազմ |
| Կրթություն | Ալեքսանդրովյան ռազմական ուսումնարան |
| Պարգևներ |  |
Նիկոլայ Ալբոկրինով (ռուս.՝ Николай Петрович Альбокринов, նոյեմբերի 28, 1887, Սարատով, Ռուսական կայսրություն - 1920, Տոմսկ, Խորհրդային Ռուսաստան), ռուս զորապետ, գեներալ-մայոր, Սիբիրում և Պովոլժիեում Սպիտակ շարժման մասնակից։
Կենսագրություն
[խմբագրել | խմբագրել կոդը]Նիկոլայ Ալբոկրինովը ծնվել է 1887 թվականին Սարատովում (այլ տվյալներով 1885 թվականին)։ Ռազմական ծառայության է անցել 1905 թվականին։ 1909 թվականին եղել է գրենադերների պորուչիկ[1]։ Առաջին համաշխարհային պատերազմի ժամանակ մարտնչել է 3-րդ գրենադերական Պերնևյան գնդում (կապիտան)։ 1915 թվականի մայիսից գումարտակի հրամանատար, պատերազմը սկսել է շտաբս-կապիտանի կոչումով, ավարտել փոխգնդապետով[2]։ Բոլշևիկների կողմից երկրում իշխանությունը գրավելուց հետո զորակոչվել է Բանվորա-գյուղացիական Կարմիր բանակ, բայց հետագայում անցել է սպիտակների կողմը։ 1918 թվականի օգոստոսից մինչև 1919 թվականի հունվարի 3-ը եղել է Վոտկինսկի շրջանի Սահմանադիր ժողովի կոմիտեի Ժողովրդական բանակի հրամանատար։
1919 թվականի հունվարի 11-ից մինչև մայիսի 9-ը ծառայել է ադմիրալ Կոլչակի բանակում, Վոտկինսկի հրաձգային դիվիզիայի հրամանատար։ 1919 թվականի հուլիսի 22-ին ստացել է գեներալ-մայորի կոչում։
1920 թվականի հունվարին կարմիրբանակայինների կողմից գերի է վերցվել Կրասնոյարսկում (այլ տվյալներով գերի է հանձնվել կամավոր)։ № 51 էշելոնի կազմում անցել է 5-րդ բանակի շտաբի տրամադրության տակ և 1920 թվականի հունվարին ուղարկվել Օմսկի օկրուգային զինկոմիսարիատ։ 1920 թվականին Տոմսկում ձերբակալվել է և դատապարտվել գնդակահարության։
Պարգևներ
[խմբագրել | խմբագրել կոդը]- 1916 թվականի սեպտեմբերի 27-ին պարգևատրվել է Սուրբ Գեորգիի 4-րդ աստիճանի շքանշանով։
- Պարգևատրվել է նաև Ռուսական կայսրության այլ շքանշաններով։
Գրականություն
[խմբագրել | խմբագրել կոդը]- Волков Е. В., Егоров Н. Д., Купцов И. В. Белые генералы Восточного фронта Гражданской войны։ Биографический справочник. - М.։ Русский путь, 2003. - 240 с. ISBN 5-85887-169-0.
Ծանոթագրություններ
[խմբագրել | խմբագրել կոդը]- ↑ «Альбокринов Николай Петрович». Արխիվացված է օրիգինալից 2013 թ․ հոկտեմբերի 5-ին. Վերցված է 2017 թ․ մայիսի 25-ին.
- ↑ «3-й гренадерский Перновский Короля Фридриха-Вильгельма IV полк». Արխիվացված է օրիգինալից 2011 թ․ դեկտեմբերի 9-ին. Վերցված է 2017 թ․ մայիսի 25-ին.