Ներկապնակ
![](http://upload.wikimedia.org/wikipedia/commons/thumb/7/7b/Palette.jpg/220px-Palette.jpg)
![](http://upload.wikimedia.org/wikipedia/commons/thumb/2/27/Palette_%28PSF%29.png/220px-Palette_%28PSF%29.png)
Ներկապնակ, ոչ մեծ բարակ հարթակ, որի վրա նկարելու ընթացքում նկարիչը խառնում է գույները[1]։ Այն կարող է լինել քառանկյուն կամ օվալաձև։ Հաճախ ներկապնակն ունենում է նաև անցք ձեռքի մեծ մատի համար։
Նշանակություն
[խմբագրել | խմբագրել կոդը]Փոխաբերական իմաստով «ներկապնակը» նշանակում է ներկերի ճշգրիտ համամասնություն, որն օգտագործում է նկարիչը, ինչպես նաև որևէ նկարին բնորոշ գույների հավաքածու, որն օգտագործվում է որոշակի նկարչի կամ նկարչական դպրոց ներկայացնելու համար։
Կառուցվածք
[խմբագրել | խմբագրել կոդը]Յուղաներկով նկարչության համար ներկապնակը հիմնականում պատրաստվում է փայտից, իսկ գեղանկարչության այլ տեսակների դեպքում կարելի է օգտագործել թիթեղից, էմալապատ մետաղից, ճենապակուց, հախճապակուց պատրաստված ներկապնակ։
Խոնավ ներկապնակ
[խմբագրել | խմբագրել կոդը]Այն կազմված է հատուկ նյութից բաղկացած շերտից, որը կարելի է ողողել ջրով, և անջրանցիկ թաղանթից։ Ներկը լցվում է այդ թաղանթի վրա, ինչը հնարավորություն է տալիս այն խոնավ պահել։ Խոնավ ներկապնակի հիմնական նպատակն է ակրիլային ներկերը պահել խոնավ վիճակում, քանի որ դրանց չորացումն անշրջելի է։ Այսպիսի ներկապնակները հեշտությամբ կարելի է պատրաստել կամ գնել խանութներում։
Զուգահեռ ներկապնակ
[խմբագրել | խմբագրել կոդը]Ներկապնակի այս ձևը հայտաբերել է Դավիդ Կասանը (անգլ.՝ David Kassan)։ Այն նախատեսված է յուղաներկով նկարների համար։ Տեղադրվում է նկարին ուղղահայաց դիրքով, այնպես, որ ներկապնակի վրայի ներկերն ունենում են նույն լուսավորությունը, ինչ որ կտավը։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Palette, Online Etymology Dictionary
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 248)։ ![]() |