Jump to content

Նատալյա Պոգոնինա

Վիքիպեդիայից՝ ազատ հանրագիտարանից
Նատալյա Պոգոնինա
Պետություն(ներ) Ռուսաստան
Ծննդյան ամսաթիվմարտի 9, 1985(1985-03-09) (39 տարեկան)
ԾննդավայրՎլադիվոստոկ, ՌԽՖՍՀ, ԽՍՀՄ
Կոչումկանանց գրոսմայստեր[1], կանանց միջազգային վարպետ և կանանց ՖԻԴԵ-ի վարպետ
Ներկայիս վարկանիշ2402
ՖԻԴԵ համար4147855
365chessNatalija_Pogonina
Chesstempo համար165828
ICCF համար165828
Մասնակցել էԿանանց շախմատային օլիմպիադա 2008[2], Կանանց շախմատային օլիմպիադա 2010[2], Կանանց շախմատային օլիմպիադա 2012[2], Կանանց շախմատային օլիմպիադա 2014[2], Կանանց շախմատային օլիմպիադա 2016 և Կանանց շախմատային օլիմպիադա 2018
Պարգևներ և մրցանակներ
«Հայրենիքին մատուցած ծառայությունների համար» շքանշանի երկրորդ աստիճանի մեդալ
pogonina.com
 Natalia Pogonina Վիքիպահեստում

Նատալյա Անդրեևնա Պոգոնինա ռուս.՝ Ната́лья Андре́евна Пого́нина, մարտի 9, 1985(1985-03-09), Վլադիվոստոկ, ՌԽՖՍՀ, ԽՍՀՄ, ռուս շախմատիստուհի է, կանանց գրոսմայստերի (WGM), 2015 թվականի շախմատի կանանց աշխարհի առաջնության փոխչեմպիոն, Ռուսաստանի կանանց կրկնակի չեմպիոն (2012 և 2018 թվականներ), Ռուսաստանի հավաքականի անդամ, 2012 և 2014 թվականների կանանց շախմատի օլիմպիադաների ոսկե մեդալակիր, 2011 թվականի կանանց Եվրոպայի թիմային առաջնության ոսկե մեդալակիր։

Կենսագրություն

[խմբագրել | խմբագրել կոդը]

Նատալյա Պոգոնինան ծնվել է 1985 թվականին։ Նրան պապը 5 տարեկանում ծանոթացրել է շախմատին։ 1993 թվականից՝ դպրոցի շաշկի մրցաշարում հաղթելուց հետո, նա սկսել է զբաղվել շախմատով[3]։

Նա առաջին անգամ ուշադրության կենտրոնում է հայտնվել 1998 թվականին, երբ հաղթել է Ռուսաստանի մինչև 14 տարեկան աղջիկների առաջնությունում։ Նատալյա Պոգոնինան երկու ոսկե մեդալ է նվաճել Եվրոպայի շախմատի պատանեկան առաջնությունում՝ 2000 թվականին մինչև 16 տարեկան աղջիկների և 2003 թվականին՝ մինչև 18 տարեկանների կատեգորիայում։ 2004 թվականին նրան շնորհվել է կանանց գրոսմայստերի կոչում։

Նրա մյուս հաղթանակներից են՝ 2005 թվականին Բիկովայի հուշամրցաշարը[4], 2007 թվականին Ռուդենկոյի հուշամրցաշարը։ 2008 թվականին կանանց շախմատի աշխարհի համալսարանական առաջնությունում նա կիսել է առաջին տեղը[5][6][7]։

2008 թվականին Պեկինում կայացած առաջին Համաշխարհային մտավոր մարզական խաղերում նա նվաճել է ոսկե մեդալ՝ թիմային կայծակնային և բրոնզե մեդալ՝ թիմային արագ շախմատում։ Նույն թվականին Դրեզդենում կայացած Շախմատային օլիմպիադայում նա 5-րդ խաղատախտակի վրա 7 հնարավորից վաստակել է 6 միավոր։ 2009 թվականիՆ Մոսկվայի բաց առաջնությունում Նատալյա Պոգոնինան 9 հնարավորից վաստակել է 8 միավոր և զբաղեցրել առաջին տեղը։ Նույն թվականի կանանց Եվրոպայի անհատական առաջնությունում (թայ-բրեյքում) նա զբաղեցրել է երրորդ տեղը։

2011 թվականին Պոգոնինան ոսկե մեդալներ է նվաճել կանանց Եվրոպայի ակումբային գավաթում, շախմատի Եվրոպայի թիմային առաջնությունում[8][9]։ Նույն թվականին արծաթ է նվաճել Կանանց շախմատի աշխարհի թիմային առաջնությունում։ 2012 թվականի օգոստոսին դարձել է Ռուսաստանի կանանց շախմատի չեմպիոն[10]։

Ռուսաստանի կանանց հավաքականի կազմում որպես պահեստային խաղացող ութ պարտիա է խաղացել 2012 թվականի Շախմատի օլիմպիադայում և նվաճել ոսկի մեդալ։ Եվս մեկ ոսկի մեդալ է նվաճել այդ օլիմպիադայից՝ 5-րդ խաղատախտակի վրա անհատական լավագույն արդյունքի համար։

2014 թվականին նա Ռուսաստանի կանանց հավաքականի կազմում նվաճել է ևս մեկ ոսկե մեդալ՝ Թրոմսյոյում տեղի ունեցած 41-րդ շախմատային օլիմպիադայում։

2015 թվականի կանանց աշխարհի առաջնության եզրափակչում նա տանուլ է տվել ուկրաինուհի Մարիա Մուզիչուկին։

Այլ գործունեություն

[խմբագրել | խմբագրել կոդը]

2009 թվականից Նատալյա Պոգոնինան Chess.com կայքի սյնունակագիր է[11], նաև զբաղվում է շախմատային բլոգերի գործունեությամբ[12][13], եղել է շախմատային իրադարձությունների հաղորդավար և մեկնաբան մի շարք շախմատային կայքերում, հատկապես՝ ChessGames.com և Chessdom.com կայքերում[14].[15]։

2009 թվականին հայտարարել է, որ ինքը և Պյոտր Ժդանովը կթողարկեն «Շախմատային Կամա Սուտրա» գիրքը։ Գիրքը մինչ օրս չի հրատարակվել, սակայն միջազգային լրատվամիջոցների կողմից մեծ ուշադրության է արժանացել[16][17][18][19][20][21][22]։

Անձնական կյանք

[խմբագրել | խմբագրել կոդը]

Նատալյա Պոգոնինան սովորել է Սարատովի պետական իրավաբանական ակադեմիայում, սիրում է երաժշտություն, լուսանկարչություն, ճանապարհորդություն, սպորտ, գրականություն և պոեզիա։ Նրա մասնակցային անունը առցանց շախմատային ակումբում «Բագիրա» է։

2009 թվականի հունիսի 5-ին նա ամուսնացել է տեղեկատվական տեխնոլոգիայի մասնագետ Պյոտր Ժդանովի հետ, նույն թվականին ծնվել է նրանց որդին՝ Նիկոլայը։

Ծանոթագրություններ

[խմբագրել | խմբագրել կոդը]
  1. ↑ FIDE Ratings and Statistics
  2. ↑ 2,0 2,1 2,2 2,3 OlimpBase
  3. ↑ «Биография». Արխիվացված է օրիգինալից 2007 թ․ մարտի 31-ին. Վերցված է 2008 թ․ հոկտեմբերի 30-ին.
  4. ↑ «Natalija Pogonina wins Bykova Memorial in Vladimir | Chess News». Chessbase.com. 2006 թ․ հունվարի 2. Վերցված է 2014 թ․ օգոստոսի 23-ին.
  5. ↑ «Федерация Шахмат Санкт-Петербурга». Totalchess.spb.ru. Արխիվացված է օրիգինալից 2014 թ․ օգոստոսի 26-ին. Վերցված է 2014 թ․ օգոստոսի 23-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
  6. ↑ «Zhu Chen wins North Urals Cup 2007». ChessBase GmbH. 2007 թ․ հուլիսի 31. Վերցված է 2016 թ․ մարտի 3-ին.
  7. ↑ «X C.to Mondiale Universitario femminile» (italian). Federazione Schacchistica Italiana. Վերցված է 2016 թ․ մարտի 3-ին.{{cite web}}: CS1 սպաս․ չճանաչված լեզու (link)
  8. ↑ «Olympiad Dresden 2008 Women». Արխիվացված է օրիգինալից 2008 թ․ դեկտեմբերի 4-ին. Վերցված է 2008 թ․ նոյեմբերի 25-ին.
  9. ↑ «Фан сайт — Открытый Московский Шахматный Чемпионат» (Russian). Moscowchessopen.ru. Արխիվացված է օրիգինալից 2014 թ․ օգոստոսի 6-ին. Վերցված է 2014 թ․ օգոստոսի 23-ին.{{cite web}}: CS1 սպաս․ չճանաչված լեզու (link)
  10. ↑ «Наталья Погонина стала чемпионкой России» (Russian). Russiachess.org. 2014 թ․ օգոստոսի 18. Արխիվացված է օրիգինալից 2012 թ․ սեպտեմբերի 14-ին. Վերցված է 2014 թ․ օգոստոսի 23-ին.{{cite web}}: CS1 սպաս․ չճանաչված լեզու (link)
  11. ↑ «Member: Natalia_Pogonina». Chess.com. Վերցված է 2014 թ․ օգոստոսի 23-ին.
  12. ↑ «Шахматная Камасутра, шахматы - Блог на». Sports.ru. Վերցված է 2014 թ․ օգոստոսի 23-ին.
  13. ↑ «Natalia Pogonina : About me». Redhotpawn.com. Արխիվացված է օրիգինալից 2022 թ․ օգոստոսի 14-ին. Վերցված է 2014 թ․ օգոստոսի 23-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
  14. ↑ «Chess Games Database & Community». Chessgames.com. 2014 թ․ օգոստոսի 3. Վերցված է 2014 թ․ օգոստոսի 23-ին.
  15. ↑ «WGM Natalia Pogonina joins the Chessdom commentators team | Chessdom». Games.chessdom.com. 2009 թ․ հուլիսի 6. Արխիվացված է օրիգինալից 2014 թ․ հուլիսի 4-ին. Վերցված է 2014 թ․ օգոստոսի 23-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
  16. ↑ http://nypost.newspaperdirect.com/epaper/showlink.aspx?bookmarkid=PCGYEBBMWNK1&preview=article&linkid=aec17805-9982-4307-9b15-211ea11a4f69&pdaffid=4IkI%2bYxt0FFWE3Y5UxDvLg%3d%3d
  17. ↑ ZEIT ONLINE GmbH, Hamburg, Germany (2010 թ․ մարտի 18). «Brettspiel: Schach | ZEIT ONLINE». Die Zeit. Zeit.de. Վերցված է 2014 թ․ դեկտեմբերի 1-ին.{{cite news}}: CS1 սպաս․ բազմաթիվ անուններ: authors list (link)
  18. ↑ «The Best Chess Players of Every Age». 2010 թ․ հունիսի 23.
  19. ↑ McClain, Dylan Loeb (2010 թ․ հունվարի 24). «Movie and Book Explore Link Between Board and Bedroom». The New York Times.
  20. ↑ «Times Store». Timesplus.co.uk. 2014 թ․ հունվարի 13. Վերցված է 2014 թ․ դեկտեմբերի 1-ին.
  21. ↑ «Chess». The Scotsman. 2009 թ․ հունիսի 22. Վերցված է 2014 թ․ դեկտեմբերի 1-ին.
  22. ↑ ЗАО ИД «Комсомольская правда» (2009 թ․ հուլիս). «В Саратове гроссмейстер Наталья Погонина пишет "Шахматную Камасутру"». Kp.ru. Վերցված է 2014 թ․ դեկտեմբերի 1-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Նատալյա Պոգոնինա» հոդվածին։
Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Նատալյա_Պոգոնինա&oldid=9952125» էջից