Մագդալենա Սաուեր
| Մագդալենա Սաուեր | |
|---|---|
 | |
| Ծնվել է | մայիսի 6, 1890 |
| Ծննդավայր | Kenilworth, Ուորիք, Ուորիքշիր, Անգլիա, Մեծ Բրիտանիայի և Իռլանդիայի միացյալ թագավորություն |
| Մահացել է | հոկտեմբերի 10, 1983 (93 տարեկան) |
| Վախճանի վայր | Քլերմոնտ, Քեյփթաուն, Արևմտյան Կապ, ՀԱՀ |
| Կրթություն | Ճարտարապետական ասոցիացիայի ճարտարապետական դպրոց և Քեյփթաունի համալսարան (1911) |
| Անդամություն | South African Institute of Architects? |
 Magdalena Sauer Վիքիպահեստում | |
Մագդալենա Սաուեր (անգլ.՝ Magdalena Sauer, Magdalena (Magda) Gertruide Sauer, մայիսի 6, 1890, Kenilworth, Ուորիք, Ուորիքշիր, Անգլիա, Մեծ Բրիտանիայի և Իռլանդիայի միացյալ թագավորություն - հոկտեմբերի 10, 1983, Քլերմոնտ, Քեյփթաուն, Արևմտյան Կապ, ՀԱՀ)[1], Հարավային Աֆրիկայում պրակտիկ ճարտարապետի որակավորում ստացած առաջին կինը։
Կենսագրություն
[խմբագրել | խմբագրել կոդը]Մագդալենա Գերտրուդ Սաուերը ծնվել է Քեյփթաունի Քենիլվորֆ արվարձանում, Յակոբուս Վիլհելմուս Սաուերի և Մերի Կլոե Սաուերի ընտանիքում։ Հայրը եղել է հայտնի քաղաքական գործիչ, մայրը՝ գրող Օլիվիա Շրեյների մտերիմ ընկերուհին։ Եղբայրը՝ Պոլ Օլիվեր Սաուերը, նույնպես դարձել է քաղաքական գործիչ. ազգայնական Սաուեր Հանձնաժողովն անվանվել է նրա պատվին[2]։ Մագդալենա Սաուերը մեծացել է Քենիլվորֆում և Սթելենբոսի մոտ գտնվող ընտանեկան ագարակում։ Սովորել է Քեյփթաունի համալսարանում՝ 1911 թվականին ստանալով գիտական աստիճան։ Հետագայում ճարտարապետություն է դասավանդել Դուրբանում և Լոնդոնի Ճարտարապետական ընկերակցության դպրոցում[3][4]։
Գործունեություն
[խմբագրել | խմբագրել կոդը]
Ճարտարապետական դասընթացն ավարտելուց հետո 1927 թվականին Մագդալենա Սաուերը գրանցվում է Հարավաֆրիկյան ճարտարապետների ինստիտուտի կողմից[5]։ Զբաղվել է բնակելի շենքերի ճարտարապետությամբ և հին շենքերի վերականգնմամբ։ Սաուերի նախագծերի շարքին են դասվում 1940-ական թթ. (Ռեգ դե Սմիթի հետ) Քեյփթաունի Բո-Կաապ (հետագայում՝ Մալայական թաղամաս) թաղամասի Շորթմարքեթ, Լոնգմարքեթ, Ռոզ և Չիապպինի փողոցների շենքերի վերականգնումը[6] և 1960-ական թվականներին նախկին Գերագույն դատարանի տեղում Հարավային Աֆրիկայի մշակութային պատմության թանգարանի ստեղծումը (1998 թվականից շենքը զբաղեցնում է «Slave Lodge» թանգարանը)[7]։ 1965 թվականին անցել է թոշակի։ Սաուերի երկու նախագծերը հռչակվել են պաշտպանված պատմական վայրեր[8]։
Որպես կողմնակի զբաղմունք՝ Սաուերը «Die Burger» թերթի համար գրել է արվեստի քննադատական հոդվածներ[9][10]։
Անձնական կյանք
[խմբագրել | խմբագրել կոդը]Մագդալենա Սաուերն ամուսնացած է եղել նորվեգացի ինժեներ Թրիգվե Ստրյոմսյոեի հետ, որը նախագծել է Սեղանասարի ճոպանուղին։ Նրանց դուստրը՝ Կարին Ստրյոմսյոեն (ծնված՝ 1924 թվականին), դարձել է նկարիչ և պատկերազարդող։
Մագդալենա Սաուերը մահացել է 1983 թվականին՝ 93 տարեկան հասակում[3]։
Ծանոթագրություններ
[խմբագրել | խմբագրել կոդը]- ↑ Verwey, E. J. (1995). New Dictionary of South African Biography (անգլերեն). HSRC Press. ISBN 9780796916488.
- ↑ "Johannes Wilhelmus Sauer", The Olive Schreiner Letters Online.
- ↑ 3,0 3,1 E. J. Verwey, ed., New Dictionary of South African Biography (HSRC Press 1995): 223-224. 9781868281343
- ↑ «New Dictionary of South African Biography. Volume 1». www.artefacts.co.za. Վերցված է 2018 թ․ օգոստոսի 8-ին.
- ↑ «The Yearbook of the Institute of South African Architects and Chapter of SA Quantity Surveyors 1958-1959 : Die Jaarboek van die Instituut van Suid-Afrikaanse Argitekte en Tak van Suid-Afrikaanse Bourekenaars 1958-1959». www.artefacts.co.za. Վերցված է 2018 թ․ օգոստոսի 8-ին.
- ↑ "Bo-Kaap Walk" Արխիվացված 2017-06-08 Wayback Machine Cape Town History: A Tourist Guide.
- ↑ "Iziko Museum - Slave Lodge - Supreme Court" Artefacts.co.za.
- ↑ «The Preservation and restoration of historic buildings in South Africa». www.artefacts.co.za. Վերցված է 2018 թ․ օգոստոսի 8-ին.
- ↑ "This Day in History" Արխիվացված 2016-10-22 Wayback Machine South African History Online.
- ↑ «SAUER, Magdalena Gertruide (Magda)». www.artefacts.co.za. Վերցված է 2018 թ․ օգոստոսի 8-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մագդալենա Սաուեր կատեգորիայում։ |