Հաղթանակի հուշակոթող (Մոսկվա)
 | |
|---|---|
 Հաղթանակի հուշակոթողը | |
 | |
 | |
| Տեսակ | հուշարձան և կոթող |
| Քանդակագործ | Զուրաբ Ծերեթելի և Լեոնիդ Վավակին |
| Ճարտարապետ | Լեոնիդ Վավակին |
| Ստեղծում | մայիսի 9, 1995 |
| Բարձրություն | 141,8 մետր |
| Երկիր |  Ռուսաստան |
| Քաղաք | Victory Park? և Poklonnaya Hill? |
| Բնակավայր | Մոսկվա |
| Շինության ձև | Քանդակ |
| Նյութ | պողպատ, բրոնզ և բետոն |
| Ներկա վիճակ | Կանգուն |
 Victory Monument (Moscow) Վիքիպահեստում | |
Հաղթանակի հուշակոթող (ռուս.՝ Монумент Победы), կոթող Ռուսաստանի Դաշնության մայրաքաղաք Մոսկվայում։ Գտնվում է Հաղթանակի հրապարակում, Պոկլոննայա լեռան վրա։ Ռուսաստանի ամենաբարձր հուշարձանն է[1]։
Ընդհանուր տեղեկություններ
[խմբագրել | խմբագրել կոդը]Կառուցվել է 1995 թվականին։ Հեղինակներն են ճարտարապետներ Լեոնիդ Վավակինը, Վլադիմիր Բուդաևը և քանդակագործ Զուրաբ Ծերեթելին[2]։
141,8 մետր բարձրությամբ կոթողը (պատերազմի յուրաքանչյուր օրվա համար` 1 դեցիմետր) ունի եռանիստ սվինի ձև և բարձրության մեծ մասում պատված է բրոնզե խորաքանդակներով[3]։ 104 մետր բարձրության վրա ստելային ամրացված է 25-տոննանոց բրոնզե քանդակագործական խումբ, որի մեջ մտնում են հաղթանակի Նիկե աստվածուհին, որի ձեռքին պսակ է, և հաղթանակը շեփորող երկու ամուր։ Հուշարձանը բացվել է 1995 թվականի մայիսի 9-ին` Հաղթանակի հուշահամալիրի կազմում։
Հուշակոթողի հիմքի մոտ Մոսկվայի պաշտպան Սուրբ Գևորգի քանդակն է, որն իր նիզակով խոցում է չարիքի խորհրդանիշ օձին, տվյալ դեպքում` ֆաշիզմը[3]։
Տեխնիկական նկարագրություն
[խմբագրել | խմբագրել կոդը]Մետաղական հիմնակմախքը պատրաստված է հատուկ մշակված 09Г2У մակնիշի պողպատից, կառույցի ամբողջ զանգվածը մոտ 1000 տոննա է[3]։ Կոթողի մետաղական կառուցվածքները կոռոզիայից պաշտպանվել են գազաջերմային փոշեպատման միջոցով` Ն. Պ. Մելնիկովի անվան շինարարական մետաղակոնստրուկցիաների գիտահետազոտական և նախագծային ինստիտուտի նախագծով։
Հուշակոթողը եզակի կառույց է և ճարտարապետական մտահղացմամբ որոշվող բարդ ձևերի պատճառով ունի օդադինամիկական անկայունություն։ Նախագծման ընթացքում հուշարձանի մոդելը փչահարվել է կենտրոնական օդադինամիկական ինստիտուտի օդադինամիկական խողովակում, ինչը թույլ է տվել որոշել կաղապարի մի շարք օդադինամկական պարամետրեր։
Քամու ազդեցությամբ առաջանալիք ինքնատատումները կանխելու համար հուշարձանը հագեցվել է տատանումների դինամիկ մարիչների համակարգով, որոնցից գլխավորն ունի 10 տոննա զանգված և գտնվում է Նիկայի քանդակի թիկունքում։ Բլրի ներսում, որի վրա կանգնած է հուշակոթողը, գտնվում են ծառայողական տարածքներ, որոնցում կահավորված է կառույցի վիճակի դիտարկման կայան[3]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Книга рекордов России
- ↑ «К 15-летию открытия мемориала на Поклонной горе». Արխիվացված է օրիգինալից 2015-12-08-ին. Վերցված է 2018-03-22-ին.
- ↑ 3,0 3,1 3,2 3,3 «Монумент Победы — самый высокий памятник в России». Արխիվացված է օրիգինալից 2018 թ․ նոյեմբերի 12-ին. Վերցված է 2018 թ․ մարտի 22-ին.
Արտաքին հղումներ
[խմբագրել | խմբագրել կոդը]- Мемориальный комплекс на Поклонной горе Արխիվացված 2018-03-24 Wayback Machine — на сайте компании Моспромстрой, строителя комплекса
- Главный монумент Памятника Победы на Поклонной горе в Москве — на сайте строителя ЦНИИПСК им. Н.П. Мельникова
- Поклонная гора — официальный сайт Центрального музея Великой Отечественной войныԱրխիվացված 2013-01-17 Wayback Machine
- Парк Победы на Поклонной горе — фотографии мемориала Արխիվացված 2018-03-15 Wayback Machine