Կենտրոնական ընտրական հանձնաժողով (Հայաստան)
| Կենտրոնական ընտրական հանձնաժողով | |
|---|---|
| Տեսակ | պետական մարմին |
| Երկիր |  Հայաստան |
| Տարածաշրջան | Հայաստան |
| Գլխավոր քարտուղար | Արմեն Սմբատյան |
| Ղեկավար | Վահագն Հովակիմյան |
| Կայք | elections.am |
Հայաստանի կենտրոնական ընտրական հանձնաժողովն անկախ պետական մարմին է, որը կազմակերպում է Ազգային ժողովի և տեղական ինքնակառավարման մարմինների ընտրությունները, հանրաքվեները, ինչպես նաև վերահսկողություն է իրականացնում դրանց օրինականության նկատմամբ։
Համաձայն 1991 թվականի օգոստոսին ընդունված «ՀՀ նախագահի ընտրությունների մասին» օրենքի Հայաստանի նախագահի ընտրությունների կազմակերպման և անցկացման համար կազմավորվում էին 3 մակարդակի ընտրական հանձնաժողովներ.
- Հայաստանի Նախագահի ընտրությունների կենտրոնական ընտրական հանձնաժողով.
- Հայաստանի Նախագահի ընտրությունների շրջանային, քաղաքային ընտրական հանձնաժողովներ.
- Հայաստանի Նախագահի ընտրությունների տեղամասային ընտրական հանձնաժողովներ[1]։
2011 թ. հունիսից կենտրոնական ընտրական հանձնաժողովն ունի յոթ անդամ։ Նրանք նշանակվում են Հանրապետության Նախագահի կողմից՝ Հայաստանի մարդու իրավունքների պաշտպանի, Հայաստանի վճռաբեկ դատարանի նախագահի, Հայաստանի փաստաբանների պալատի նախագահի առաջարկությամբ։ Հանձնաժողովի անդամները նշանակվում են 6 տարի ժամկետով, բացառությամբ ընտրական օրենսգիրքն ուժի մեջ մտնելուց հետո կենտրոնական ընտրական հանձնաժողովի առաջին կազմավորման և ԸՕ-ի 40-րդ հոդվածի 7-րդ մասով սահմանված դեպքի։
Հայաստանը բաժանված է 41 ընտրատարածքների, որոնցից 13-ը գտնվում են մայրաքաղաք Երևանում[2]։
Կառուցվածք
[խմբագրել | խմբագրել կոդը]ԿԸՀ նախագահ[3]
ԿԸՀ նախագահի տեղակալ
ԿԸՀ քարտուղար
ԿԸՀ անդամներ
- Սիլվա Մարկոսյան
- Արուսյակ Տերչանյան
- Աննա Գրիգորյան
- Ժիրայր Կարապետյան
Մինչ Հայաստանի Հանրապետության անկախությունը կենտրոնական ընտրական հանձնաժողովի գործունեությունը կարգավորվում էր «ՀԽՍՀ ժողովրդական դեպուտատների ընտրությունների մասին» ՀԽՍՀ օրենքով։ 1990 թվականից սկսած ՀՀ Գերագույն խորհուրդն ընդունեց նաև ընտրություններին վերաբերող մի շարք նոր օրենքներ, կատարեց փոփոխություններ և լրացումներ գործող օրենքներում[4]։
Ծանոթագրություններ
[խմբագրել | խմբագրել կոդը]- ↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆՏՐԱԿԱՆ ՕՐԵՆՍԳԻՐՔ - ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԸՆՏՐՈՒԹՅՈՒՆՆԵՐԸ
- ↑ «ՀՀ կենտրոնական ընտրական հանձնաժողով - ՀՀ ընտրատարածքներ». Արխիվացված է օրիգինալից 2012 թ․ սեպտեմբերի 19-ին. Վերցված է 2012 թ․ սեպտեմբերի 9-ին.
- ↑ «ՀՀ կենտրոնական ընտրական հանձնաժողով - Անդամներ». Արխիվացված է օրիգինալից 2015 թ․ դեկտեմբերի 19-ին. Վերցված է 2012 թ․ սեպտեմբերի 9-ին.
- ↑ «ԿԸՀ մասին». www.elections.am. Վերցված է 2021 թ․ հունիսի 17-ին.