ՀԿՀ հայագիտության կենտրոն
| ՀԿՀ հայագիտության կենտրոն | |
|---|---|
 | |
 Հարավային Կալիֆորնիայի Համալսարանի Հայագիտության Կենտրոնի գլխավոր գրասենյակ | |
| Տեսակ | գիտահետազոտական ինստիտուտ |
| Երկիր |  ԱՄՆ |
| Հիմնադրված | 2005 |
| Կայք | armenian.usc.edu(անգլ.) |
Հարավային Կալիֆորնիայի համալսարանի հայագիտության կենտրոն, Դանա և Դավիդ Դորնսայֆ նամակների, արվեստի և գիտությունների քոլեջի մասնաճյուղ է։ Ինստիտուտի տնօրենը Սալբի Ղազարյանն է։ Հայագիտության կենտրոնը հիմնադրվել է 2005 թվականին[1]։
Հիմնադրման օրվանից ի վեր Հարավային Կալիֆոռնիայի Համալսարանի Հայագիտության կենտրոնը աջակցում է տարաբնույթ ուսումնասիրությունների որոնք փորձում են գտնել նոր սահմանումներ և ուսումնասիրել այն խնդիրները որոնք նորօրյա հայկական իրականության բաղադրիչներն են՝ ցեղասպանությունից մինչև զարգացող Հայաստան և փոփոխվող սփյուռք։ Կենտրոնը խրախոսում է հետազոտություններ, հրատարակություններ և հասարակական գործունեություն միաժամանակ միջազգային քաջալերելով կրթական հաստատությունների և հայկական համայնքների միջև կապերի հաստատումը[2]։
Ինստիտուտը ձգտում է ընդգծել հետևյալ երեք հիմնական ոլորտները՝ ժամանակակից սփյուռք – Գլոբալ հայկական համայնքները, նրանց պատմություններն ու մարտահրավերները; Սփյուռքի մշակութային և արվեստի ներդրումները 21-րդ դարում, Հարավային Կալիֆոռնիայի եզակի համայնքը՝ ծագումը, կազմավորումը, մշակութային բազմազանությունը, քաղաքական և քաղաքացիական ներգրավվածությունը, ինչպես նաև Հայաստանի Հանրապետության նոր սփյուռքը։
Զարգացող Հայաստանը – Պետականության մարտահրավերները, տարածաշրջանային և ներքին քաղաքականությունը; անվտանգության խնդիրները։
Ցեղասպանության հետևանքները – Ցեղասպանության սոցիալական, հոգեբանական, տնտեսական հետևանքները, հիշողության փոխանցումը, հայ-թուրքական ընթացիկ հարաբերությունները, նոր և թաքնված վերապրածները Թուրքիայում, ազդեցությունը վերապրածների նոր սերնդի վրա; հիշողության գեղարվեստական արտահայտությունները։
Հիմնադրումից ի վեր ինստիտուտը ծառայել է որպես դասախոսությունների, գիտաժողովների և միջոցառումների հյուրընկալ վայր, որտեղ ուսումնասիրվել և քննարկվել են հայագիտության հարցերը։
Առաջիկա տասնամյակում Հայագիտության ինստիտուտը Թուրփանջյան հիմնադրամի ժամանակակից հայկական ուսումնասիրությունների ամբիոնի հետ միասին կխրախուսի ուսանողների և գիտնականների մասնակցությունը և համագործակցությունը հայագիտության ընդարձակ բնագավառում, որպեսզի բարձրացնի անցյալի, ներկայի ու ապագայի հայկական փորձառությունների հավաքական գիտակցությունը[3]։
Ծանոթագրություններ[խմբագրել | խմբագրել կոդը]
- ↑ «About the USC Institute | YEAR100.org». year100.org. Արխիվացված է օրիգինալից 2016 թ․ ապրիլի 29-ին. Վերցված է 2016 թ․ նոյեմբերի 5-ին.
- ↑ «Արխիվացված պատճենը». Արխիվացված է օրիգինալից 2021 թ․ ապրիլի 12-ին. Վերցված է 2021 թ․ ապրիլի 6-ին.
- ↑ {{Cite web|url=http://year100.org/hy/about-the-usc-institute/%7Ctitle=ՀԿՀ(չաշխատող հղում) ԻՆՍՏԻՏՈՒՏԻ ՄԱՍԻՆ | YEAR100.org|website=year100.org|accessdate=2016-11-05|archive-date=2015-09-10|archive-url=https://web.archive.org/web/20150910161536/http://year100.org/hy/about-the-usc-institute/%7Cdead-url%3Dyes%7D%7D
 |
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |