Կոնստանցա Կրաչուն
| Կոնստանցա Կրաչուն | |
|---|---|
 | |
| Ծնվել է | փետրվարի 16, 1914 |
| Ծննդավայր | Կոնստանցա, Ռումինիա |
| Մահացել է | մայիսի 2, 2002 (88 տարեկան) |
| Մահվան վայր | Բուխարեստ, Ռումինիա |
| Քաղաքացիություն |  Ռումինիա |
| Մասնագիտություն | քաղաքական գործիչ |
| Զբաղեցրած պաշտոններ | President of the Romanian Red Cross? |
| Կուսակցություն | Ռումինիայի կոմունիստական կուսակցություն |
 Constanța Crăciun Վիքիպահեստում | |
Կոնստանցա Կրաչուն (փետրվարի 16, 1914, Կոնստանցա, Ռումինիա - մայիսի 2, 2002, Բուխարեստ, Ռումինիա)՝ ռումինացի քաղաքական և պետական գործիչ, մանկավարժ, Ռումինիայի կոմունիստական կուսակցության (ՌԿԿ) անդամ։ ՌԿԿ կենտկոմի անդամ (1945-1969 թթ. և 1972-1974 թթ.), Ռումինիայի մշակույթի նախարար (1953-1957 թթ.), Ռումինիայի Սոցիալիստական Հանրապետության (ՌՍՀ) մշակույթի և արվեստի պետական կոմիտեի նախագահ (1962-1965 թթ.), ՌՍՀ Պետական խորհրդի նախագահի տեղակալ (1965-1969), Ռումինիայի Ազգային մեծ ժողովի նախագահության անդամ, Ռումինիայի Կարմիր Խաչի ազգային ընկերության նախագահ (1949-1953 թթ.), Ռումինիայի Սոցիալիստական Հանրապետության հերոս (1971 թ)։
Կենսագրություն
[խմբագրել | խմբագրել կոդը]Ծնվել է Կոստանցա քաղաքում։ Նա ուսումնասիրել է գրականություն և փիլիսոփայություն։ 1935 թվականին դարձել է Ռումինիայի կոմունիստական կուսակցության անդամ։ Նա ձերբակալվել է 1942 թվականին և դատապարտվել 25 տարվա ազատազրկման՝ պատիժը կրելով Վացարեստ և Միսլա բանտերում՝ նախքան 1944 թվականին ազատ արձակվելը։ 1948-1953 թվականներին եղել է Ռումինիայի Ժողովրդական Հանրապետության Ազգային մեծ ժողովի պատգամավոր։ 1953 թվականի նոյեմբերի 30-ից մինչև 1957 թվականի մարտի 19-ը զբաղեցրել է մշակույթի նախարարի պաշտոնը[1], իսկ 1959 թվականին դարձել է մշակույթի փոխնախարար։ 1962-1965 թթ.եղել է մշակույթի և արվեստի պետական կոմիտեի նախագահը։ 1965-1969թթ. եղել է Ռումինիայի պետական խորհրդի նախագահի տեղակալը[2]։
Կրաչունը Կոմունիստական կուսակցության կենտրոնական կոմիտեի անդամ էր 1945-1969 թվականներին (և նրա կազմակերպչական խորհրդի անդամը 1950 թվականին)[3] և 1972 թվականից մինչև 1974 թվականը[4]։ 1971 թվականին նրան շնորհվել է Սոցիալիստական աշխատանքի հերոսի կոչում։ Նույն թվականին նա պարգևատրվել է «Մուրճ և մանգաղ» ոսկե մեդալով[4]։
Կրաչունն ամուսնացած էր Իոն Վինցեի հետ, որը նույնպես Կոմունիստական կուսակցության նշանավոր անդամ էր[5]։ Նա մահացել է Բուխարեստում, 88 տարեկան հասակում[4]։
Պարգևներ
[խմբագրել | խմբագրել կոդը]- Սոցիալիստական աշխատանքի հերոսի կոչում (1971 թվականի մայիսի 4) «Ռումինիայի Կոմունիստական կուսակցության հիմնադրման 50-ամյակի առթիվ, աշխատավորական շարժման մեջ երկարամյա գործունեության և այդ երկրում սոցիալիզմի կառուցման գործում ունեցած առանձնահատուկ վաստակի համար»[6]։
- «Secera și ciocanul» ոսկե մեդալ (1971 թվականի մայիսի 4) «Ռումինիայի Կոմունիստական կուսակցության ստեղծման 50-ամյակի կապակցությամբ, աշխատանքային շարժման մեջ երկարամյա գործունեության և հայրենիքում սոցիալիզմի կառուցման գործում ունեցած առանձնահատուկ վաստակի համար»[6]
Ծանոթագրություններ
[խմբագրել | խմբագրել կոդը]- ↑ «Ministrii Culturii 1862–2021». www.patrimoniubotosani.ro (ռումիներեն). Վերցված է 2024 թ․ մարտի 8-ին.
- ↑ «Nomenclatura – membrii I (A – C)». Comunismul în România (ռումիներեն).
- ↑ «Rumanian Workers' Party Elects Organizing Board» (PDF). www.cia.gov. CIA. 1950 թ․ հունվարի 25. Վերցված է 2024 թ․ մարտի 8-ին.
- ↑ 4,0 4,1 4,2 «Consiliul Național pentru Studierea Arhivelor Securității, Membrii C.C. al P.C.R. 1945–1989 dicționar» (PDF) (ռումիներեն). էջեր 183–84.
- ↑ Vasile, Cristian; Tismăneanu, Vladimir (2013). Perfectul acrobat. Leonte Răutu, măștile răului (ռումիներեն). էջ 82. ISBN 978-9735022389.
- ↑ 6,0 6,1 «Decretul nr. 155/1971 privind conferirea titlului de Erou al Muncii Socialiste», Lege5, Վերցված է 2020 թ․ մայիսի 8-ին
 | Վիքիպահեստն ունի նյութեր, որոնք վերաբերում են «Կոնստանցա Կրաչուն» հոդվածին։ |