Կաստելլո (Վենետիկ)

Կաստելլո
	Կենտրոնում երևում է Սան Զաքարիա եկեղեցին
Երկիր	Իտալիա
Մասն է	Շրջան 1 — Ս. Մարկո - Կաստելլո — Ս. Էլենա - Կանարեջո և Վենետիկի պատմական կենտրոն
Կարգավիճակ	սեստիերե
Մտնում է	Վենետիկ
Ժամային գոտի	UTC+1 և UTC+2
	Կաստելլո Վիքիպահեստում

Կաստելլո (իտալ.՝ Castello), Վենետիկի վեց պատմական շրջաններից ամենամեծը^[1]։ Զբաղեցնում է քաղաքի արևելյան մասը։

Անվանում

Շրջանի անվանումը ծագել է հռոմեական լեգեոներների ռազմական բնակավայրից՝ կաստրումայից, որը մ.թ. ա. 132 թվականին հիմնադրել է հյուպատոս Պոմպիլիուսը՝ Ռավեննան և Ակվիլեյան կապող Via Popilia ճանապարհը պաշտպանելու համար։ Միջնադարում այստեղ է եղել Սուրբ Պետրոս եկեղեցին։

Արսենալը, որը ժամանակին եղել է վենետիկյան հայտնի թիանավակների կառուցման նավաշինարան, այս շրջանը բաժանում է երկու մասի։ Արևելյան մասը ծածկված է այգիներով, արևմտյան մասում կան բազմաթիվ ճարտարապետական և արվեստի հուշարձաններ (Սան Զաքարիա եկեղեցի, Զանիպոլոյի մեծ բազիլիկ, հունական եկեղեցի, Վիտտորե Կարպաչչոյի որմնանկարներով զարդարված դալմաթյան սկուոլա և այլն)։

Այն բանից հետո, երբ Նապոլեոնը փակեց նավաշինարանը, Կաստելլոյի արևելյան հատվածում այգիներ հիմնվեցին։ Այժմ դրանք Բիենալեի այգիներն են՝ համաշխարհային արվեստի ցուցահանդեսի մասնակից երկրների տաղավարներով։

1920-ական թվականներին նախկինում մեկուսացված Սուրբ Հեղինեի կղզին ընդարձակվել և երեք կամուրջներով միացվել է Կաստելլոյին։ Միաժամանակ այնտեղ «Վենեցիա» ֆուտբոլային ակումբի համար կառուցվել է Պիերլուջի Պենզո մարզադաշտը։