Կայան աշտարակ
| Կայան | |
| (արաբ․՝ برج كيان) | |
| Տեղագրություն |  ԱՄԷ Դուբայ
|
| Կառուցման ժամանակ | 2006—2013 |
| Օգտագործում | Բնակելի շենք |
| Բարձրություն | |
|---|---|
| Տանիք | 307,3 մետր |
| Տեխնիկական պարամետրներ | |
| Տարածքը շինության մեջ | 111 000 մ² |
| Վերելակների թիվ | 8 |
| Ճարտարապետ | Skidmore, Owings & Merrill |
Կայան աշտարակ (արաբ․՝ برج كيان), շինարարության ժամանակ հայտնի էր Անվերջության աշտարակ անվամբ, 75 հարկանի երկնաքեր Դուբայում։ Բարձրությունը 306 մետր է։ Աշտարակը նախագծել է Skidmore, Owings և Merrill SOM ճարտարապետական խումբը, որը նաև եղել է Դուբայի Բուրջ Խալիֆա և Չիկագոյի Թրամպ աշտարակների նախագծերի հեղինակը։ Այն բացվել է 2013 թվականի հունիսի 10-ին։ Աշտարակը աշխարհի ամենաբարձրահարկ կառույցն է, որն ունի 90 աստիճանի ոլորում։ Այս ռեկորդը գերազանցել է Շանհայի աշտարակը, որը բացվել է 2015 թվականի փետրվարին։ 2015 թվականի տվյալներով՝ Ասիայի ամենաբարձր շենքերի ցանկում 74-րդն է, իսկ աշխարհում՝ 94-րդը։
Ձևավորում[խմբագրել | խմբագրել կոդը]
Երկնաքերի բարձրությունը կազմում է 307.3 մետր[1] (ըստ այլ տվյալների՝ 303,9 մետր[2]), հիմքի խորությունը՝ 27 մետր։ Ունի 73 վերերկրյա և 7 ստորգետնյա հարկեր, 8 վերելակ, հինգհարկանի ստորգետնյա կայանատեղի՝ 610 ավտոմեքենաների համար, 495 էլիտար բնակարաններ[3], որոնց արժեքը 2-ից մինչև 3,5 միլիոն դիրհամ է[4]։ Բնակարանների 80 %-ը վաճառված է եղել մինչև շինարարության ավարտը։ Աշտարակը Skidmore, Owings & Merrill ճարտարապետական բյուրոյի նախագիծն է, պատերը հիմքից մինչև տանիք հավասարաչափ ոլորված են 90 °-ով, յուրաքանչյուր հարկը նախորդից՝ 1.2 °-ով[5]։ Կայան աշտարակի բնակարանները ձևավորված են փայտյա հատակներով, չինական սինթետիկ մարմարե սալիկներով և խոհանոցային պարագաներով։ Աշտարակի ետևում կա հինգհարկանի ավտոկայանատեղի[6]։ Աշտարակի բնակարանները կարելի է նաև վարձակալել հանգստյան օրերին կամ արձակուրդներին։
Պատմություն[խմբագրել | խմբագրել կոդը]
Աշտարակի շինարարությունը սկսվել է 2006 թվականին։ 2007 թվականի փետրվարի 7-ին արհեստական ծոցի ջուրը լցվել է շինարարական հրապարակ՝ ողողելով հետագա երկնաքերի հիմքը։ Մոտ հարյուր աշխատողներ[7] ժամանակին տարհանվել են 20 մետր խորությամբ փոսից, որտեղ ջուրն ամբողջությամն լցվել է չորս րոպեում[8]։ Այս միջադեպի պատճառով շենքի շինարարությունը հետաձգվել է մեկուկես տարով և վերսկսվել է 2008 թվականի հուլիսին։ 2013 թվականի հունիսի 10-ին տեղի է ունեցել Կայան աշտարակի հանդիսավոր բացումը։ Այդ պահից ի վեր՝ Կայանը համարվում է ամենաբարձր պտտված շինությունն աշխարհում՝ հետ թողնելով շվեդական Թուրնինգ Թորսո երկնաքերը։ Բացման ժամանակ սեփականատերը հայտարարել է «Անվերջության աշտարակ»-ի անվանափոխման մասին՝ Կայան աշտարակի՝ ասելով, որ ուզում է այս շինությանը տալ օրիգինալ անվանում, որից չկա աշխարհի ոչ մի ծայրում, իսկ «Անվերջություն» անվամբ աշտարակները մի քանիսն են[9]։
Ծանոթագրություններ[խմբագրել | խմբագրել կոդը]
- ↑ Башня Кайан (անգլ.) на сайте emporis.com
- ↑ Башня Кайан (անգլ.) на сайте skyscraperpage.com
- ↑ Кэти Герфен. Cayan Tower Opens in Dubai (անգլ.) на сайте architectmagazine.com
- ↑ Открытие Infinity Tower — самой высокой «витой» башни в мире Արխիվացված 2014-12-27 Wayback Machine (ռուս.) на сайте oae-dubai.com
- ↑ Shapiro, Gideon Fink (November 13, բացի այդ սենյակները պաշտպանված են շարժական, ճառագայթապաշտպան էկրաններով։ 2013). «Cayan Tower, Designed by Skidmore, Owings & Merrill (Architect Magazine)». www.architectmagazine.com. Վերցված է 2018 թ․ մարտի 21-ին.
- ↑ «Infinity: Living By Design». Infinity Tower Homepage. Cayan. Վերցված է 2013 թ․ փետրվարի 15-ին.
- ↑ Lucky escape for 100 workers (անգլ.) на сайте gulfnews.com, 8 февраля 2007
- ↑ Infinity Tower Flooding Accident (անգլ.) на сайте snopes.com
- ↑ Например, Башня Бесконечность[en] в Южной Корее и Башня Бесконечность[en] в Австралии.
Արտաքին հղումներ[խմբագրել | խմբագրել կոդը]
- Cayan Group (անգլ.)
- Կայան աշտարակ Արխիվացված 2013-12-09 Wayback Machine (անգլ.) skyscrapercenter.com կայքում
- Կայան աշտարակ (անգլ.) archdaily.com կայքում
- Կայան աշտարակ (անգլ.) som.com կայքում