Կաբո Օրանժ ազգային պարկ
 Parque Nacional do Cabo Orange | |
|---|---|
 | |
| Տեսակ | ազգային պարկ |
| Կազմված է | Ամազոնի խոնավ անտառներ և ծովային պահպանվող տարածք |
| Երկիր |  Բրազիլիա |
| Վարչատարածք | Ամապա |
| Հիմնվել է | 1980 |
| Մակերես | 6190 կմ², 657 328 հեկտար, 437 715 հեկտար և 219 614 հեկտար |
| Կառավարում | Բրազիլիայի դաշնային կառավարություն |
  | |
Կաբո Օրանժ ազգային պարկ (պորտ.՝ Parque Nacional do Cabo Orange), ազգային պարկ Բրազիլիայի հյուսիսում, որը տեղակայված է Ամապա նահանգում՝ Բրազիլիայի և Ֆրանսիական Գվիանայի սահմանի մոտ։
Տեղագրություն
[խմբագրել | խմբագրել կոդը]Կապո Օրանժ ազգային պարկն ունի 657318 հա տարածք[1]։ Այն ներառում է Կալսուենի և Օյապոկի մունիցիպալիտետների որոշ հատվածներ։ Հարավ-արևմուտքում պարկին միացած է Ամապայի պետական անտառը՝ 2369400 հա տարածքով, որը հիմնադրվել է 2006 թվականին և համարվում է կայուն գործածության պահպանության միավոր[2]։
Պարկն ունի կարևոր նշանակություն, քանզի գտնվում է Բրազիլիայի ափին և միակ ազգային պարկն է խոնավ անտառում, որը գտնվում է այդպիսի տեղանքում։ Սա նշանակում է, որ այստեղ առկա կենդանական և բուսական աշխարհները բավականին տարբերվում են երկրի ներքին շրջաններում տեղակայված տարածքներից։ Պարկը հասանելի է նավակով։ Կաբո Օրանժ ազգային պարկն ընդգրկում է բազմազան էկոհամակարգեր, ինչպիսիք են՝ մանգլենին, բնական դաշտերը, ջրածածկ ծովային անտառները, հեղեղված տարածքներն ու հողատարածքը` լի հարուստ կենդանական աշխարհով։
Բնական գեղեցկությունները, որոնք բավականին լավ են պահպանված, գրավում են զբոսաշրջիկներին։ Դրանցից են Կասիպորե, Կունանի, Ուակա և Օյապոկի տարածքները, որոնցում կարելի է մակույկներով զբոսնել, ինչպես նաև զբաղվել ռաֆտինգով։ Կենսաբազմազանությունը հնարավորություն է տալիս կազմակերպել այցելություններ բուսական ու կենդանական շատ տեսակների (հատապես թռչունների) դիտումների, ինչպես նաև բնապահպանական կրթության և գիտական հետազոտությունների մի շարք ծրագրեր կյանքի կոչելու համար (ազգային պարկերի հիմնական նպատակները)։
Պատմություն
[խմբագրել | խմբագրել կոդը]Կաբո Օրանժ ազգային պարկը ստեղծվել է 1980 թվականի հուլիսի 15-ին 84.913 հրամանագրով՝ բուսական և կենդանական աշխարհներն ու բնական գեղեցկությունը պահպանելու նպատակով[3]։ Այն կառավարվում է Չիկո Մենդեսի Կենսաբազմազանության պահպանության ինստիտուտի կողմից[1]։ Խորհրդատվական խորհուրդը ստեղծվել է 2006 թվականի մարտի 9-ին Բրազիլիայի շրջակա միջավայրի և վերականգնվող բնական պաշարների ինստիտուտի կողմից։ Կառավարման ծրագիրը հաստատվել է 2011 թվականի հունվարի 17-ին։ 2012 թվականի մարտի 22-ին Չիկո Մենդեսի Կենսաբազմազանության պահպանության ինստիտուտը և Օյապոկի համայնքի ձկնորսները եկան համաձայնության՝ պարկի ջրերում ձկնորսությամբ զբաղվելու վերաբերյալ, և որին միջնորդեց Դաշնային հանրային նախարարությունը[3]։ 2013 թվականին Բրազիլիայի կառավարությունը այն հռչակեց որպես Միջազգային նշանակության 12-րդ խոնավ տարածք՝ համաձայն Ռամսարի համաժողովի[4]։
Պահպանություն
[խմբագրել | խմբագրել կոդը]Պարկը դասվում է Բնության պահպանության միջազգային միության II կատեգորիային (ազգային պարկ)։ Հիմնական խնդիրը բնական էկոհամակարգերի պահպանումն է։ Սա հնարավորություն է տալիս գիտական հետազոտությունների իրականացմանը, կրթական գործունեության զարգացմանը և բնապահպանական մեկնաբանությանը, ինչպես նաև ապահովել հանգիստ ու էկոտուրիզմ։ Այն Ամապա կենսաբազմազանության միջանցքի մասն է կազմում, որը ստեղծվել է 2003 թվականին[5]։ Պահպանությունն իրականացվում է «Ամազոնի շրջանի պահպանվող տարածքներ» ծրագրի աջակցությամբ։
Պարկում պահպանվող տեսակներից են հսկա զրահակիրը (Priodontes maximus), մեծ ջրասամույրը (Myrmecophaga tridactyla), յագուարը (Panthera onca), օնցիլլան (Leopardus tigrinus), կանաչ կրիան (Chelonia mydas) և այլն[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Parna do Cabo Orange – Chico Mendes». Արխիվացված է օրիգինալից 2019 թ․ ապրիլի 10-ին. Վերցված է 2019 թ․ ապրիլի 14-ին.
- ↑ FES do Amapá – ISA
- ↑ 3,0 3,1 PARNA do Cabo Orange – ISA
- ↑ http://www.ramsar.org/news/brazil%E2%80%99s-twelfth-ramsar-site
- ↑ Corredor de Biodiversidade do Amapá Biodiversity Corridor
Աղբյուրներ
[խմբագրել | խմբագրել կոդը]- Corredor de Biodiversidade do Amapá Biodiversity Corridor (PDF), Belém: CI-Brasil, Governo do Amapá, Fundação Lee & Gund, 2007, Վերցված է 2016-11-05-ին
- FES do Amapá (Portuguese), ISA: Instituto Socioambiental, Վերցված է 2016-07-06-ին
{{citation}}: CS1 սպաս․ չճանաչված լեզու (link) - Parna do Cabo Orange (Portuguese), Chico Mendes Institute for Biodiversity Conservation, Արխիվացված է օրիգինալից 2016-03-19-ին, Վերցված է 2016-04-29-ին
{{citation}}: CS1 սպաս․ չճանաչված լեզու (link) - PARNA do Cabo Orange (Portuguese), ISA: Instituto Socioambiental, Վերցված է 2016-07-06-ին
{{citation}}: CS1 սպաս․ չճանաչված լեզու (link)