Խորեն Խաչատուրյան
| Խորեն Խաչատուրյան | |
|---|---|
 | |
| Ծնվել է | 1913 |
| Ծննդավայր | Օսմանյան կայսրություն |
| Մահացել է | անհայտ |
| Մասնագիտություն | կոլտնտեսական |
| Պարգևներ և մրցանակներ |  և  |
Խորեն Գրիգորի Խաչատուրյան (1913, Օսմանյան կայսրություն - անհայտ), Վրացական ԽՍՀ, Աբխազական ԻԽՍՀ, Գագրայի շրջանի Կույբիշևի անվան կոլտնտեսության օղակավար։ Սոցիալիստական աշխատանքի հերոս (1949)[1]։
Կենսագրություն
[խմբագրել | խմբագրել կոդը]Խորեն Խաչատուրյանը ծնվել է 1913 թվականին, Օսմանյան կայսրությունում։ Նրա ընտանիքը Հայոց ցեղասպանության ժամանակ փախել է Ռուսական կայսրության Քութայիսի նահանգ։ Ապրել է Սուխումի շրջանի Ցանդրիպշ գյուղում։ Տեղական դպրոցն ավարտելուց հետո աշխատանքի է անցել Գագրայի շրջանի Կույբիշևի անվան կոլտնտեսությունում։ Աշխատել է որպես ծխախոտագործ։ 1940-ականների վերջերին նշանակվել է ծխախոտագործության օղակի օղակավար։
1948 թվականին Խորեն Խաչատուրյանի օղակը «Սամսունի № 27» սորտի ծխախոտի յուրաքանչյուր հեկտարից միջինում հավաքել է 16,9 ցենտներ՝ 3,2 հա տարածքից և «Սամսուն № 1857» սորտից՝ միջինը 19,4 ցենտրներ յուրաքանչյուր 0.5 հա տարածքից։ ԽՍՀՄ Գերագույն խորհրդի նախագահության 1949 թվականի մայիսի 3-ի «1948 թվականին եգիպտացորենի և ծխախոտի բարձր բերք ստանալու համար» հրամանագրով Խաչատուրյանին շնորհվել է Սոցիալիստական աշխատանքի հերոսի կոչում՝ նրան հանձնելով Լենինի շքանշան ու «Մուրճ և Մանգաղ» ոսկե մեդալ։
Նույն հրամանագրով Սոցիալիստական աշխատանքի հերոսի կոչում է շնորհվել նաև բրիգադիր Անդրեյ Վասիլի Կիրյակին և օղակավար Հրաչ Կապրելի Նուբարյանին։ 1949 թվականի օգոստոսին Սոցիալիստական աշխատանքի հերոսի կոչում է շնորհվել նաև Կույբիշևի անվան կոլտնտեսության ծխախոտագործ Հովհաննես Խաչիկի Թեքնեջյանին։
Թոշակի անցնելուց հետո ապրել է Ցանդրիպշ գյուղում։
Մահվան տարեթիվը հայտնի չէ։