Լերմոնտովո համայնք
Անվան այլ կիրառումների համար տե՛ս՝ Լերմոնտովո (այլ կիրառումներ)
 | |
|---|---|
 Լերմոնտովոյի համայնքապետարանի շենքը | |
| Երկիր |  Հայաստան |
| Մտնում է | Լոռու մարզ |
| Ներառում է | Լերմոնտովո գյուղ, Անտառաշեն գյուղ, |
| Վարչկենտրոն | Լերմոնտովո գյուղ |
| Հիմնական լեզու | ռուսերեն, հայերեն |
| Պաշտոնական լեզու | հայերեն |
| Ազգային կազմ | ռուսներ (մոլոկաններ), հայեր |
 | |
| Առաջին հիշատակում | 2002 |
| lermontovo.am | |
Լերմոնտովո, համայնքի կարգավիճակով վարչատարածքային միավոր Հայաստանի Հանրապետության Լոռու մարզում[1]։ Գտնվում է Տանձուտ գետի ափին։ Ձևավորված է որպես ազգային փոքրամասնությամբ՝ ռուսներով բնակեցված համայնք
Ֆիզիկա-աշխարհագրական նկարագիր
[խմբագրել | խմբագրել կոդը]Լեռմոնտովո համայնքը ծովի մակարդակից բարձր է 1800-ից 1900 մետր։ Լերմոնտովո գյուղը ծովի մակարդակից բարձր է 1800 մ, իսկ Անտառաշեն գյուղը՝ 1900 մ[1]։
Համայնքը շրջապատված է բարձրադիր լեռներով և անտառապատ տարածքներով[1]։
Պատմություն
[խմբագրել | խմբագրել կոդը]2021 թվականին «Հայաստանի Հանրապետության վարչատարածքային բաժանման մասին» օրենքում կատարված փոփոխությունների արդյունքում Լերմոնտովո և Անտառաշեն գյուղերը կազմել են Լերմոնտովո համայնքը[1]։
Կառավարում
[խմբագրել | խմբագրել կոդը]Լերմոնտովո համայնքը կազմված է երկու բնակավայրից՝ Լերմոնտովո և Անտառաշեն գյուղերից[1]։ Լերմոնտովո գյուղն ունի 43.41 կմ², իսկ Անտառաշեն գյուղ՝ 22.0 կմ² տարածք[1]։
Բնակչության սակավության պատճառով բնակիչները ընտրում են ոչ թե կուսակցություններ, այլ ավագանու անդամներ։ Լերմոնտովո համայնքի ավագանին բաղկացած է 5 անդամներից։ Համայնքի ղեկավարը Էդիկ Չալախյանն է։
Բնակչություն
[խմբագրել | խմբագրել կոդը]Համաձայն 2011 թվականին Հայաստանի Հանրապետությունում անցկացված մարդահամարի տվյալների՝ Լերմոնտովո գյուղի բնակչությունը կազմում է 912, իսկ Անտառաշենում՝ 259 մարդ[2]։