Իզաբելա Յոլյան

Իզաբելա Ռուբենի Յոլյան;
Ծնվել է	1928 մարտի 12
Ծննդավայր	Գորիս
Մահացել է	փետրվարի 13, 1996 (տարիքը 67)
Մահվան վայր	Մոսկվա
Ազգություն	հայ
Կրթություն	Ռոմանոս Մելիքյանի անվան պետական երաժշտական քոլեջ (1944), Երևանի Կոմիտասի անվան պետական կոնսերվատորիա (1949) և Մոսկվայի կոնսերվատորիա (1952)
Մասնագիտություն	երաժշտագետ
Ծնողներ	Ռուբեն Յոլյան

Իզաբելա Ռուբենի Յոլյան (մարտի 12, 1928(1928-03-12), Գորիս, Հայկական ԽՍՀ, ԱԽՖՍՀ, ԽՍՀՄ - փետրվարի 13, 1996(1996-02-13), Մոսկվա, Ռուսաստան), հայ երաժշտագետ։ Արվեստաբանության թեկնածու (1954)։ Արվեստագիտության դոկտոր (1986)։ ԽՄԿԿ անդամ 1961 թվականից։

Վիրաբույժ, ՀԽՍՀ գիտության վաստակավոր գործիչ Ռուբեն Յոլյանի դուստրը։

Կենսագրություն[խմբագրել | խմբագրել կոդը]

Իզաբելա Յոլյանը ծնվել է Գորիս քաղաքում։ 1944 թվականին ավարտել է Երևանի երաժշտական ուսումնարանի դաշնամուրային բաժինը, 1949 թվականին՝ Երևանի Կոմիտասի անվան պետական կոնսերվատորիան, 1952 թվականին՝ Մոսկվայի պետական կոնսերվատորիայի ասպիրանտուրան։ 1948-1949 թվականներին եղել է Երևանի կոնսերվատորիայի կոմպոզիցիայի ամբիոնի ասիստենտ, 1966 թվականից՝ ԽՍՀՄ մշակույթի նախարարության Արվեստի ինստիտուտի ավագ գիտաշխատող։ 1956-1959 թվականներին դասավանդել է Մոսկվայի կոնսերվատորիայում, 1954 թվականից՝ արվեստաբանության թեկնածու։ 1970 թվականին դասախոսություն է կարդացել Իրաքի կոնսերվատորիայում։ Զբաղվել է հայրենի և արտասահմանյան արևելքի երաժշտական մշակույթի ուսումնասիրությամբ^[1]։

Երկեր[խմբագրել | խմբագրել կոդը]

«Ալեքսանդր Հարությունյան», 1962, ռուսերեն։
«Գրիգոր Եղիազարյան», 1968։
«Կոմիտաս», 1969, հայերեն^[2]
Արևելքի ավանդական երաժշտության ուսումնասիրության մեթոդաբանության որոշ հարցեր // Ասիայի և Աֆրիկայի գեղարվեստական մշակույթ, Մոսկվա, 1986։
«Արաբական աշխարհի ժողովրդական երաժշտություն», 1990։

Ծանոթագրություններ[խմբագրել | խմբագրել կոդը]

↑ Իզաբելա Յոլյանի կենսագրությունը avproduction.am կայքում(չաշխատող հղում)
↑ «Կոմիտաս», Իզաբելա Յոլյան

[1] Իզաբելա Յոլյանի կենսագրությունը avproduction.am կայքում(չաշխատող հղում)

[2] «Կոմիտաս», Իզաբելա Յոլյան

[1]

[2]