Ժամանշիմ ազգային պարկ
 Parque Nacional do Jamanxim | |
|---|---|
 | |
| Տեսակ | ազգային պարկ |
| Կազմված է | Ամազոնի խոնավ անտառներ |
| Երկիր |  Բրազիլիա |
| Վարչատարածք | Պարա |
| Հիմնվել է | փետրվարի 13, 2006 |
| Մակերես | 8597,97 կմ² և 862 887 հեկտար |
| ԲԾՄ | 204 մետր |
| Կառավարում | Բրազիլիայի դաշնային կառավարություն |
  | |
Ժամանշիմ ազգային պարկ (պորտ.՝ Parque Nacional do Jamanxim), ազգային պարկ Բրազիլիայի Պարա նահանգում։
Տեղագրություն
[խմբագրել | խմբագրել կոդը]Ժամանշիմ ազգային պարկն ընդգրկում է Ամազոն խոնավ անտառի 859797 հա տարածքը[1]։ Այն գտնվում է Ալտամիրա, Իտայտուբա և Տրայրան մունիցիպալիտետների որոշ մասերում՝ Պարա նահանգում[2]։ Տրայրան ազգային անտառը սփռված է դեպի հյուսիս[3]։
Պարկը հիմնականում տեղակայված է Ժամանշիմ-Շինգու ցածրավայրում՝ համեմատաբար հարթ տեղանքով՝ 100-200 մետր բարձրության վրա։ Հարավային Պարայի հարթավայրը ունի 200-300 մետր բարձրություն։ Արևմուտքում գտնվող Տապաժոշ հարթավայրի երկու փոքր տարածքները բաղկացած են բլուրներից՝ 100-400 մետր բարձրությամբ։ Պարկը պարունակում է Ժամանշիմ, Տոկանտինս ու Արուրի գետերի ենթաավազանները՝ Տապաժոշ ավազանի ներսում։ Այն նաև ներառում է Ռատաո և Իրիրի ավազանների շատ փոքր մասեր։ Տարեկան տեղումների քանակը 2228 մմ է։ Ջերմաստիճանը տատանվում է 24-ից մինչև 33 °C, իսկ միջինը` 28 °C է[2]։
Բուսականությունը ներառում է բաց խոնավ անտառ՝ որթատունկերով ու արմավենու ծառերով, ինչպես նաև խիտ նախալեռնային խոնավ անտառ՝ երևացող ամպհովանիով և խիտ հեղեղվող խոնավ անտառ՝ միանման ամպհովանիով։ Ծառատեսակներն ունեն փայտանյութի բարձր արժեք, որոնք ենթակա են ինտենսիվ շահագործման և կարևոր են Ամազոնյան կենսաբազմազանության պահպանման համար։ Դրանք ներառում են այնպիսի տեսակներ, ինչպիսիք են՝ Cedrela odorata, Manilkara huberi, Minquartia և այլն։ Փայտանյութի այլ արժեք ունեցող տեսակներն են՝ Aspidosperma carapanauba, Carapa guianensis ու Bertholletia excelsa[2]։
Պահպանություն
[խմբագրել | խմբագրել կոդը]Պարկը դասվում է Բնության պահպանության միջազգային միության II կատեգորիային (ազգային պարկ)։ Նպատակն է պահպանել բնական էկոհամակարգերը և տեսարժան վայրերը՝ նպաստելով գիտական հետազոտությունների զարգացմանը, կրթական գործունեության ու բնապահպանական մեկնաբանության բարելավմանը, ինչպես նաև ապահովել բացօթյա հանգիստ ու էկոտուրիզմ[2]։ Այն ստեղծվել է 2006 թվականի փետրվարի 13-ի հրամանագրով և կառավարվում է Չիկո Մենդեսի Կենսաբազմազանության պահպանության ինստիտուտի կողմից (ICMBio)[1]։ Պահպանությունն իրականացվում է «Ամազոնի շրջանի պահպանվող տարածքներ» ծրագրի աջակցությամբ[4]։ Պաշտպանված տեսակներից են՝ յագուարը (Panthera onca) և հսկա ջրասամույրը (Pteronura brasiliensis)[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Parque Nacional do Jamanxim – Chico Mendes». Արխիվացված է օրիգինալից 2021 թ․ մարտի 2-ին. Վերցված է 2019 թ․ օգոստոսի 10-ին.
- ↑ 2,0 2,1 2,2 2,3 Unidade de Conservação ... MMA
- ↑ «Plano de Manejo ... Trairão» (PDF). Արխիվացված է օրիգինալից (PDF) 2017 թ․ փետրվարի 11-ին. Վերցված է 2019 թ․ օգոստոսի 10-ին.
- ↑ Full list: PAs supported by ARPA
Աղբյուրներ
[խմբագրել | խմբագրել կոդը]- Full list: PAs supported by ARPA, ARPA, Վերցված է 2016-08-07-ին
- Parque Nacional do Jamanxim (պորտուգալերեն), Chico Mendes Institute for Biodiversity Conservation, Արխիվացված է օրիգինալից 2021-03-02-ին, Վերցված է 2016-05-19-ին
- Plano de Manejo da Floresta Nacional do Trairão, Localizada no Estado do Pará (PDF), Brasília – DF: ICMBio, Արխիվացված է օրիգինալից (PDF) 2017-02-11-ին, Վերցված է 2016-05-19-ին
- Unidade de Conservação: Parque Nacional do Jamanxim (պորտուգալերեն), MMA: Ministério do Meio Ambiente, Վերցված է 2016-05-19-ին
 | Վիքիպահեստն ունի նյութեր, որոնք վերաբերում են «Ժամանշիմ ազգային պարկ» հոդվածին։ |
|
