Էռնեստ Դերվիշյան
| Էռնեստ Դերվիշյան | |
|---|---|
 | |
| օգոստոսի 10, 1916 - մայիսի 20, 1984 (67 տարեկան) | |
| Ծննդավայր | Ռիչմոնդ, ԱՄՆ |
| Մահվան վայր | Ռիչմոնդ, ԱՄՆ |
| Գերեզման | Westhampton Memorial Park and Cremation Park[1] |
| Քաղաքացիություն |  ԱՄՆ |
| Զորատեսակ | ԱՄՆ բանակ |
| Կոչում | գնդապետ |
| Մարտեր/ պատերազմներ | Երկրորդ համաշխարհային պատերազմ |
| Պարգևներ |  |
Էռնեստ (Երվանդ) Հերբերտ Դերվիշյան (օգոստոսի 10, 1916, Ռիչմոնդ, ԱՄՆ - մայիսի 20, 1984, Ռիչմոնդ, ԱՄՆ), հայազգի ամերիկյան բանակի սպա, Երկրորդ համաշխարհային պատերազմի տարիներին ցուցաբերած արիության համար 1945 թվականին պարգևատրվել է ԱՄՆ Կոնգրեսի պատվո շքանշանով[2]։
Կենսագրություն
[խմբագրել | խմբագրել կոդը]Ծնվել է 1916 թվականին ԱՄՆ Ռիչմոնդ քաղաքում։ Ստացել է Երվանդ անունը[3]։ 1933 թվականին ավարտել է Ջոն Մարշալի անվան միջնակարգ դպրոցը։ 1937 թվականին հանձնելով Վիրջինիա նահանգի քննությունները ստանում է իրավագիտության բակալավրի աստիճան։ 1941 թվականի սեպտեմբերին իր ծննդավայրից մեկնում է բանակ և որպես շարքային ծառայության անցնում։ Վերապատրաստվել է Հարավային Կարոլինայում[4]։ 1944 թվականին, Իտալիայում ֆաշիստների դեմ մարտերին մասնակցելիս, հետևակային 34-րդ դիվիզիայի տեխնիկական սերժանտ էր։
Հերոսական արարքը
[խմբագրել | խմբագրել կոդը]1944 թվականի Մայիսի 23-ին Սիստեռնայի մոտ ամերիկյան ջոկատն ընկել է շրջապատման մեջ։ Ամբողջ ջոկատից ողջ է մնացել միայն Դերվիշյանը։ Անընդհատ դիրքը փոխելով և հրաձգություն վարելով նա փորձել է տպավորություն ստեղծել, թե ջոկատը մարտունակ է։ Երբ զինամթերքը սպառվել է, միայն ատրճանակով զինված Դերվիշյանը անցել է թշնամու դիրքերը, խլել մեկ գնդացիր և անակնկալի բերել հակառակորդի ջոկատին։ Արդյունքում՝ մեն-մենակ գերևարել է թշնամու 45 զինվորի, խլել երեք գնդացիր և տասը ատրճանակ[5]։։
Գնահատականը
[խմբագրել | խմբագրել կոդը]Պատերազմի ավարտից հետո էլ Էռնեստ Դերվիշյանը շարունակել է իր ծառայությունը Եվրոպական և խաղաղօվկիանոսյան տարբեր շրջաններում։ Զորացրվել է ավագ լեյտենանտի կոչումով[6] (ըստ այլ տվյալների գնդապետի[7])։ Բացի Կոնգրեսի պատվո շքանշանից, Դերվիշյանը պարգևատրվել է մի շարք երկրների շքանշաններով՝ լեհական վտարանդի կառավարության կողմից՝ Պատվո մեդալով, Բրոնզե աստղով և իտալական հրամանատարության կողմից՝ Արծաթե խաչով, ռազմական արիության խաչով և այլն։ Զորացրվելով՝ Դերվիշյանը զբաղեցրել է ռազմական բարձր պաշտոններ՝ եղել է Ամերիկյան ազգային լեգեոնի փոխհրամանատար, ռազմական պետական կարևոր հարցերով խորհրդական[8]։
ԱՄՆ ազգային հերոս Էռնեստ Դերվիշյանը մահացել է 1984 թվականին և թաղված է ծննդավայրի Վեստհեմփթն հիշատակի պուրակում։
Գրականություն
[խմբագրել | խմբագրել կոդը]- Armenian General Benevolent Union. Armenian-American Veterans of World War II. New York: Armenian General Benevolent Union of America, 1951.(անգլ.)
- Tashjian, James H. The Armenian American in World War II. Boston: Harenik Association, 1952. (անգլ.)
Ծանոթագրություններ
[խմբագրել | խմբագրել կոդը]- ↑ Find A Grave — 1996.
- ↑ Ernest H. Dervishian(չաշխատող հղում)
- ↑ Ե. Խալեյան, «Սփյուռքահայության Մասնակցությունը ՀակաՖաշիստական Պայքարում, 1941-1945», Երևան, ԳԱ, 1970, էջ 160
- ↑ Tashjian, James H. The Armenian American in World War II. Boston: Harenik Association, 1952, p. 70.
- ↑ [«Է. Դերվիշյանի մասին, ԱՄՆ բանակի պատմությունից (անգլ.)». Արխիվացված է օրիգինալից 2011 թ․ օգոստոսի 17-ին. Վերցված է 2012 թ․ հունիսի 2-ին. Է. Դերվիշյանի մասին, ԱՄՆ բանակի պատմությունից (անգլ.)]
- ↑ Հայերը ամերիկյան բանակում. ԱՄՆ ազգային հերոս Էռնեստ Դերվիշյան
- ↑ Ջոկատ-մարդը(չաշխատող հղում)
- ↑ ԷՌՆԵՍՏ ԴԵՐՎԻՇՅԱՆ, anunner.com
|
