Էկ Չուա
| Էկ Չուա | |
|---|---|
 | |
| Տեսակ | Մայաների աստված |
| Դիցաբանություն | մայաների քաղաքակրթություն |
| Սեռ | արական |
| Հիշատակումներ | Էկ Չուայի 3 պատկեր կա Դրեզդենի կոդեքսում |
| Բնորոշ գծեր | երկար քիթ, կարմիր բերան |
Էկ Չուա (այլ անվանումներ՝ Էկչուա, Էկ Չուահ[1], M աստված[2]), հին մայաների առևտրի և կակաոյի աստվածը։
Նշանակություն
[խմբագրել | խմբագրել կոդը]Էկ Չուան առևտրի և կակաոյի հովանավոր աստվածն էր։ Կակաոյի պտուղները մայաների մոտ յուրօրինակ փողային միավոր էր, այդ պատճառով էլ կակաոն աստվածացվում էր։ Էկ Չուային երկրպագում էին վաճառականները և կակաոյի հարուստ պլանտատորները[1], որովհետև նա իրենց մասնագիտության հովանավորն էր[3]։ Հնարավոր է, որ Էկ Չուան կապված էր նաև մեղուների պաշտամունքի հետ, որի օգտին է խոսում այն, որ Էկ Չուան պատկերվել է մեղուներին նվիրված կոդեքսներից մեկի գլխում[2]։
Արտաքին տեսք
[խմբագրել | խմբագրել կոդը]Էկ Չուան պատկերվում էր երկար քթով, կարմիր բերանով և ներկված էր սև գույնով[1] (որոշ նկարներում նա ամբողջովին սև է, մյուսներում՝ սև ու սպիտակ զոլերով, իսկ որոշներում էլ՝ սպիտակ՝ առանց սև ներկի[2])։ Քանի որ նա առևտրի հովանավորն էր, պատկերվում էր ձեռքին գավազանով, իսկ մեջքին էլ՝ բեռով (որոշ նկարներում բեռը գլխի վրա է[1])։ Նրա բնութագրիչ գծերից էին 2 կոր գծերը՝ աչքի աջ մասում։ Դրեզդենի կոդեքսում Էկ Չուայի 3 պատկեր կա։ Որպես կանոն, Էկ Չուան պատկերվում էր որպես անատամ ծերուկ կամ ծերունի մեկ ատամով[2]։
Նկարներից մեկում Էկ Չուան պատկերված է որպես նիզակով խոցող մահվան աստված, որը խորհրդանշում էր այն, որ այդ աստվածը վաճառականներին կպաշտպանի թշնամուց։ Մեկ այլ նկարում նա պատկերված է որպես երկինքը կացնահարող, որպեսզի անձրև գա։ Շատ նկարներում Էկ Չուան կարիճի պոչ ունի[2]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Альберто Рус, 1986, Глава: Божества элиты
- ↑ 2,0 2,1 2,2 2,3 2,4 Schellhas, Paul Представление божеств из рукописей майя(անգլ.). — Американский музей археологии и этнологии Гарвардского университета, 1904. — С. 36-37.
- ↑ Альберто Рус, 1986, Глава: Божества-покровители профессий
Գրականություն
[խմբագրել | խմբագրել կոդը]- Рус Луилье, Альберто Народ майя. — Москва: Мысль, 1986. — 256 с.
- Schellhas, Paul Представление божеств из рукописей майя(անգլ.). — Американский музей археологии и этнологии Гарвардского университета, 1904. — С. 36-37.