Էլիզա Էնն Գրիեր
 | |
|---|---|
 | |
| Ծնվել է | 1864 |
| Ծննդավայր | Մեկլենբերգ շրջան, Հյուսիսային Կարոլինա, ԱՄՆ |
| Մահացել է | 1902 |
| Մահվան վայր | Շառլոթ, Հյուսիսային Կարոլինա, ԱՄՆ |
| Քաղաքացիություն |  ԱՄՆ |
| Ազգություն | աֆրոամերիկացի |
| Կրթություն | Ֆիսկի համալսարան և Փենսիլվանիայի կանանց բժշկական քոլեջ (1897)[1] |
| Մասնագիտություն | բժիշկ, գինեկոլոգ և մանկաբարձ |
Էլիզա Աննա Գրիեր[2](անգլ.՝ Eliza Anna Grier, 1864, Մեկլենբերգ շրջան, Հյուսիսային Կարոլինա, ԱՄՆ - 1902, Շառլոթ, Հյուսիսային Կարոլինա, ԱՄՆ), ամերիկացի բժիշկ, առաջին աֆրոամերիկացին, ում իրավունք է տրվել ԱՄՆ Ջորջիա նահանգում զբաղվելու բժշկությամբ։
Կենսագրություն
[խմբագրել | խմբագրել կոդը]Էլիզա Աննա Գրիերը ծնվել է Հյուսիսային Կարոլինայի Մեկլենբերգ շրջանում 1864 թվականին, Էմիլի և Ջորջ Վաշինգտոն Գրիերների ընտանիքում[3]։ Չնայած նա ծնվել է Ստրուկների ազատագրման հռչակագրի ընդունումից հետո, չզբաղեցրած Հյուսիսային Կարոլինայում եղել է ստրուկ[3]։ Նա ազատ մարդ է դարձել պատերազմի վերջում (դեռևս մանուկ հասակում), այնուհետև տեղափոխվել է Թենեսի նահանգ Նեշվիլ քաղաք Ֆիսկի համալսարանում մանկավարժություն ուսանելու[4]։ Որպեսզի կարողանա վճարել ուսման վարձը, նա ուսումն ընդմիջում էր աշխատանքով, այսպիսով համալսարան ընդունվել է 1884 թվականին, ավարտել՝ 1891 թվականին[3]։
1890 թվականին Գրիերը նամակ է գրում Փենսիլվանիայի իգական բժշկական քոլեջին և բացատրում, որ ինքն ունի քիչ գումար և արդյոք կարող է ազատական ստրուկը որևէ օգնություն ստանալ մասնագիտական ունակությունները ծառայեցնելու համար[5]։ 1893 թվականին նրան աշխատանքի են ընդունում քոլեջում, և նա ընդմիջումներով աշխատում և սովորում է՝ հոգալով իր կարիքները[3]։ Աշխատում է մեկ տարի՝ վճարելու իր հաջորդ տարվա բժշկական քոլեջի ուսման վարձը և քոլեջն ավարտում է 7 տարում[6]։ 1897 թվականին ավարտելուց հետո Գրիերը տեղափոխվում է Ատլանտա, դիմում ներկայացնում Ֆուլտոն շրջանում բժիշկ աշխատելու թույլտվություն ստանալու համար՝ այսպիսով դառնալով առաջին աֆրոամերիկացին, ով Ջորջիա նահանգում իրավունք է ստանում զբաղվելու բժշկությամբ[5]։
Գրիերն Ատլանտայում հիմնում է իր անձնական պրակտիկան՝ մասնագիտանալով մանկաբարձության և գինեկոլոգիայի բնագավառներում[5], միաժամանակ վաստակում է դասավանդելով[3]։ 1901 թվականին, իր պրակտիկ գործունեությունն սկսելուց երեք տարի հետո հիվանդանում է և ի վիճակի չի լինում աշխատելու։ Գրիերը նամակ է գրում սուֆրաժիստ Սյուզան Էնթոնիին՝ խնդրելով օգնել թեթևացնելու իր ֆինանսական հոգսերը[5]։ Էնթոնին ֆինանսապես ի վիճակի չի լինում օգնելու նրան, բայց Գրիերի անունից դիմում է Կանանց բժշկական քոլեջին։ Էլիզան տեղափոխվում է Ջորջիա նահանգի Օլբիա քաղաք, որտեղ աշխատում էր նրա եղբայրը՝ Ռիչարդ Էդգար Գրիերը, ով նույնպես բժիշկ էր[7]։
Էլիզա Գրիերը մահացել է 1902 թվականին, թաղված է Հյուսիսային Կարոլինայի Շառլոթ քաղաքում[3]։
Ծանոթագրություններ
[խմբագրել | խմբագրել կոդը]- ↑ https://www.worldcat.org/title/black-women-in-america/oclc/57506600
- ↑ Dr. Grier's name varies, depending on source. See letter from Grier to Susan B. Anthony dated 3-7-1901 showing Grier's use of Eliza Anna Grier.
- ↑ 3,0 3,1 3,2 3,3 3,4 3,5 Chenault, Wesley (2012 թ․ հունիսի 8). «Eliza Ann Grier (1864–1902)». New Georgia Encyclopedia. Վերցված է 2015 թ․ մարտի 1-ին.
- ↑ «Eliza Anne Grier». PBS. Վերցված է 2015 թ․ մարտի 1-ին.
- ↑ 5,0 5,1 5,2 5,3 «Dr. Eliza Ann Grier». United States National Library of Medicine. Վերցված է 2015 թ․ մարտի 1-ին.
- ↑ «Drexel University School of Medicine». Our Diverse History.
- ↑ Dr Richard Edgar Grier