Էդվարդ Դանիելյան

Էդվարդ Դանիելյան
Ծնվել է	ապրիլի 1, 1952(1952-04-01)
Ծննդավայր	Եղվարդ, Հայաստան
Մահացել է	հուլիսի 15, 2016(2016-07-15) (64 տարեկան)
Քաղաքացիություն	Հայկական Խորհրդային Սոցիալիստական Հանրապետություն, Հայաստան
Կրթություն	ԵՊՀ պատմության ֆակուլտետ (1977)
Գիտական աստիճան	պատմական գիտությունների թեկնածու
Երկեր	The Armenian genocide 1894-1922, Yerevan, 2005.
Մասնագիտություն	պատմաբան
Աշխատավայր	Երևանի պետական համալսարան

Էդվարդ Գալուստի Դանիելյան (ապրիլի 1, 1952(1952-04-01), Եղվարդ, Հայաստան - հուլիսի 15, 2016(2016-07-15)), հայ պատմաբան, պատմական գիտությունների թեկնածու, դոցենտ։

Կենսագրություն

Ծնվել է 1952 թ. ապրիլի 1-ին ՀԽՍՀ Նաիրիի շրջանի Եղվարդ քաղաքում։ 1969 թվականին ավարտել է Երևանի Պեյո Յավորովի անվան թիվ 131 միջնակարգ դպրոցը։ 1972-1977 թվականներին ուսանել է Երևանի պետական համալսարանի Պատմության ֆակուլտետում։ Այնուհետև աշխատել է ԵՊՀ ՈՒԳՀԱ-ի խորհրդում որպես ավագ տեսուչ, ապա ԵՊՀ Պատմության ֆակուլտետի Հայոց պատմության ամբիոնի ավագ լաբորանտ։ 1981 թվականից դասավանդել է ԵՊՀ տարբեր ֆակուլտետներում։ 1984-1988 թվականներին ուսանել է Երևանի պետական համալսարանի Պատմության ֆակուլտետի ասպիրանտուրայում Հայոց պատմություն մասնագիտությամբ։ 1988 թվականից գործուն մասնակցություն է ունեցել Արցախյան շարժմանը, եղել գաղտնի կոմիտեի անդամ։ 1996 թվականին պաշտպանել է թեկնածուական ատենախոսություն «Անդրկովկասում ապաստանած արևմտահայ գաղթականությունը 1914-1922 թվականներին» թեմայով։ Ստացել է դոցենտի գիտական կոչում։ 1981-2016 թվականներին դասավանդել է ԵՊՀ Պատմության ֆակուլտետի Հայոց պատմության ամբիոնում։ Էդվարդ Դանիելյանը երկարատև ծանր հիվանդությունից հետո մահացել է 2016 թ. հուլիսի 15-ին։

Երկեր

• The Armenian genocide 1894-1922, Yerevan, 2005.

Գրականություն

• Երևանի պետական համալսարանի 90-ամյա պատմության ֆակուլտետը, խմբ. Էդիկ Մինասյան, Երևան, ԵՊՀ, 2009, էջ 204։