Եվա Տերտերյան
| Եվա Տերտերյան | |
|---|---|
| Ծնվել է | դեկտեմբերի 4, 1928 (95 տարեկան) |
| Ծննդավայր | Բելոգորսկ, Ղրիմի ինքնավար խորհրդային սոցիալիստական հանրապետություն, ՌԽՖՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի անասնաբուծական-անասնաբուժական ինստիտուտ |
| Կոչում | պրոֆեսոր |
| Գիտական աստիճան | կենսաբանական գիտությունների դոկտոր (1989) |
| Մասնագիտություն | ֆիզիոլոգ |
| Աշխատավայր | Երևանի անասնաբուծական-անասնաբուժական ինստիտուտ և Հայաստանի ազգային ագրարային համալսարան |
Եվա Եփրեմի Տերտերյան (դեկտեմբերի 4, 1928, Բելոգորսկ, Ղրիմի ինքնավար խորհրդային սոցիալիստական հանրապետություն, ՌԽՖՍՀ, ԽՍՀՄ), հայ ֆիզիոլոգ-ճառագայթակենսաբան։ Կենսաբանական գիտությունների դոկտոր (1989), պրոֆեսոր (1991): Հակոբ Տերտերյանի քույրը։
Կենսագրություն[խմբագրել | խմբագրել կոդը]
Եվա Տերտերյանը ծնվել է 1928 թվականի դեկտեմբերի 4-ին, Բելոգորսկ (այժմ՝ Ուկրաինայի Ղրիմի մարզում) քաղաքում։ 1951 թվականին ավարտել է Երևանի անասնաբուծական-անասնաբուժական ինստիտուտը։ 1952 թվականից աշխատել է Երևանի անասնաբուծական-անասնաբուժական ինստիտուտի (2005 թվականից՝ Հայաստանի ազգային ագրարային համալսարանում) ֆիզոլոգիայի, 2003 թվականից՝ կենսաքիմիայի և ֆիզիոլոգիայի ամբիոններում[1]։
Աշխատանքները վերաբերում են հավերի հետսաղմնային օնտոգենեզում և կենսաբանական ակտիվ նյութերի (միսկոմբինատի թափոնների՝ ճարպ, շլյամ, շրդանային հեղուկ) օգտագործման ժամանակ լիպիդների փոխանակության և մարսողական օրգանների ֆունկցիայի ուսումնասիրության խնդիրներին։ Հեղինակ է «Ռադիոկենսաբանություն» (2000) ուսումնական ձեռնարկի[1]։
Անդամակցություն[խմբագրել | խմբագրել կոդը]
- Ամերիկյան կենսագրական ինստիտուտի «2002 թվականի կին» (2002):
- ՀՀ անասնաբուժական (կենդանաբուժության բժշկագիտության) ԳԱ անդամ (2004):
Երկեր[խմբագրել | խմբագրել կոդը]
- Ռադիոկենսաբանություն։ Երևան։ ՀԳԱ, 2000, 144 էջ[2]։
- Липидный обмен у кур в постнатальном онтогенезе и при использовании биологически активных добавок : диссертация ... доктора биологических наук : 03.00.13 / Моск. с.-х. акад. им. К. А. Тимирязева. - Ереван, 1987. - 494 с. : ил. Физиология человека и животных OD 71 89-3/224.[3]
Ծանոթագրություններ[խմբագրել | խմբագրել կոդը]
- ↑ 1,0 1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 602։
- ↑ Տերտերյան, Եվա Եփրեմի (2000). Հովսեփյան, Թ Ռ; Կալդրիկյան, Մ Հ (eds.). Ռադիոկենսաբանություն։ Ուսումնական ձեռնարկ. Գյուղատնտեսության նախարարութուն ՀՀ, Հայկական գյուղատնտեսական ակադեմիա. Երևան: տպ. ՀԳԱ.(չաշխատող հղում)
- ↑ «Тертерян, Ева Ефремовна - Липидный обмен у кур в постнатальном онтогенезе и при использовании биологически активных добавок: диссертация доктора биологических наук: 03.00.13 - Search RSL». search.rsl.ru. Վերցված է 2019 թ․ ապրիլի 5-ին.