Ելենա Աղաջանովա
 | |
|---|---|
| Ծնվել է | հունիսի 26, 1973 (51 տարեկան) |
| Ծննդավայր |  Հայաստան, Երևան |
| Ազգություն | հայ |
| Կրթություն | Երևանի Մխիթար Հերացու անվան պետական բժշկական համալսարան |
| Մասնագիտություն | բժիշկ-էնդոկրինոլոգ, բժշկական գիտությունների դոկտոր, պրոֆեսոր |
| Աշխատավայր | Երևանի Մխիթար Հերացու անվան պետական բժշկական համալսարան, «Մուրացան» համալսարանական հիվանդանոց |
Ելենա Միխայիլի Աղաջանովա (հունիսի 26, 1973, Երևան, Հայաստան), հայ բժիշկ-էնդոկրինոլոգ, բժշկական գիտությունների դոկտոր, պրոֆեսոր։ ՀՀ ԱՆ գլխավոր մանկական էնդոկրինոլոգ[1]։ «Մուրացան» համալսարանական հիվանդանոցի էնդոկրինոլոգիայի կլինիկայի[2] ղեկավար։ Երևանի Մխիթար Հերացու անվան պետական բժշկական համալսարանի էնդոկրինոլոգիայի ամբիոնի վարիչ[3]։
Հայ բժիշկ-կենսաքիմիկոս, կենսաբանական գիտությունների դոկտոր, պրոֆեսոր Միխայիլ Աղաջանովի դուստրը,
Հայ բժիշկ, վիրաբույժ-քիթ-կոկորդ-ականջաբան, բժշկական գիտությունների դոկտոր, պրոֆեսոր Վարդան Ազնաուրյանի կինը։
Կենսագրություն
[խմբագրել | խմբագրել կոդը]Ելենա Աղաջանովան ծնվել է 1973 թվականի հունիսի 26-ին Երևանում։ 1980-1990 թվականներին սովորել է ք. Երևան թիվ 20 Դզերժինսկու անվան միջնակարգ դպրոցում, որն ավարտել է ոսկե մեդալով։ 1990-1996 թվականներին սովորել է ԵՊԲՀ-ի բուժական ֆակուլտետում, որն ավարտել է գերազանցության դիպլոմով։ 1996-1999 թվականներին անցել է կլինիկական օրդինատուրա՝ էնդոկրինոլոգիա մասնագիտությամբ։
Աշխատանքային գործունեություն
[խմբագրել | խմբագրել կոդը]1988-1990 թթ. թիվ 5 ստոմատոլոգիական պոլիկլինիկայի մանրէազերծման կաբինետի մայրապետ,
1999-2000 թթ. Մ.Հերացու անվան ԵՊԲՀ-ի ներքին հիվանդությունների թիվ 2 ամբիոնի ավագ լաբորանտ,
2001-2004 թթ. հանրապետական էնդոկրինոլոգիական դիսպանսերի բժիշկ,
2002-2004 թթ. թիվ 2 ներքին հիվանդությունների ամբիոնի ասիստենտ,
2004-2005 թթ. Մ.Հերացու անվան ԵՊԲՀ-ի էնդոկրինոլոգիայի ամբիոնի ասիստենտ,
2005-2008 թթ. Մ.Հերացու անվան ԵՊԲՀ-ի էնդոկրինոլոգիայի ամբիոնի դոցենտ,
2005-2009 թթ. «Շենգավիթ» ԲԿ, կոնսուլտանտ-էնդոկրինոլոգ,
2005 թ.-ից մինչ օրս կլինիկական օրդինատորների էնդոկրինոլոգիա առարկայի քննական հանձնաժողովի անդամ է,
2008 թ.-ից մինչ օրս Մ.Հերացու անվան ԵՊԲՀ-ի էնդոկրինոլոգիայի ամբիոնի վարիչ և «Մուրացան» ՀՀ էնդոկրինոլոգիայի կլինիկայի ղեկավար,
2008 թ.-ից մինչ օրս ԵՊԲՀ ֆակուլտետային խորհրդի անդամ է, ներքին հիվանդությունների փորձագիտական հանձնաժողովի անդամ,
2011 թ.-ից մինչ օրս ՀՀ ՊՆ կոնսուլտանտ-էնդոկրինոլոգ,
2012 թ.-ից մինչ օրս ՀՀ ԱՆ գլխավոր մանկական էնդոկրինոլոգ,
2018 թ․-ից մինչ օրս ՀՀ ԱՆ խորհրդատու մանկական էնդոկրինոլոգիայի գծով
2015 թ-ին - հիմնել է Մանկական Էնդոկրինոլոգների Հայկական Ասոցիացիա, որի նախագահն է։
Գիտական գործունեություն
[խմբագրել | խմբագրել կոդը]2002 թ.-ին պաշտպանել է թեկնածուական թեզը։
2014 թ.-ին պաշտպանել է դոկտորական թեզը։
2017 թ.-ին «Բազմակենտրոն, 3-րդ փուլի, պատահական ընտրությամբ, բաց պիտակավորմամբ, ակտիվ վերահսկվող, զուգահեռ խմբով, աճի հորմոնի անբավարարությամբ տառապող (ԱՀԱ) նախապուբերտատ երեխաների վրա անցկացվող փորձարկում 52 շաբաթ տևողությամբ՝ հետազոտելու համար շաբաթական մեկ անգամ տրվող TransCon hGH-ի անվտանգությունը, հանդուրժողականությունը և արդյունավետությունը՝ ի հակադրություն ստանդարտ օրական hGH փոխարինող բուժմանը» կլինիկական հետազոտության գլխավոր հետազոտող։
2018 թ.-ին “EnliGHten՝ Բազմակենտրոն, 3-րդ փուլի, երկարաժամկետ, բաց փորձարկում, որի նպատակն է ուսումնասիրել շաբաթական մեկ անգամ նշանակվող ԹրանսՔոն մԱՀ-ի(TransCon hGH) անվտանգությունը և արդյունավետությունը՝ ԹրանսՔոն մԱՀ-ի նախորդող կլինիկական փորձարկումը ավարտած, աճի հորմոնի անբավարարությամբ (ԱՀԱ) երեխաների մոտ” կլինիկական հետազոտության գլխավոր հետազոտող։
Վերապատրաստում
[խմբագրել | խմբագրել կոդը]Բազմիցս մասնակցել է մասնագիտական վերապատրաստման տարբեր դասընթացների Ավստրիայում, Շվեդիայում, ՌԴ-ում, Գերմանիայում, ՈՒկրաինայում, Վրաստանում, Հունգարիայում։
2002 թ.-ին - անցել է վերապատրաստում Հուդինգեի հոսպիտալի էնդոկրինոլոգիայի և մետաբոլիզմի կենտրոնում Ստոկհոլմ,Շվեդիա
2004 և 2008 թթ.-ին - անցել է վերապատրաստում Բաոմհերցիգե Բրուդեր համալսարանական հոսպիտալի ներքին հիվանդությունների բաժանմունքում, Գռաց, Ավստրիա
2004 թ.-ին -անցել է վերապատրաստում Համառուսական էնդոկրինոլոգիական գիտահետազոտական կենտրոնի դիաբետիկ ոտնաթաթի բաժանմունքում,Մոսկվա,ՌԴ
2009 թ.-ին - անցել է վերապատրաստում Շարիտե համալսարանական հիվանդանոցի մանկական էնդոկրինոլոգիայի բաժանմունքում ք.Բեռլին, Գերմանիա։
2010- 2016 թթ.-ին - մասնակցել է Դիաբետի Ուսունմասիրման Եվրոպական Ասոցիացիայի (EASD) հետդիպլոմային կուրսերին քք. Կիև, Օդեսսա (ՈՒկրաինա), ք.Թբիլիսի (Վրաստան), Բուդապեշտ (Հունգարիա)
2015 թ. - մասնակցել է Medtronic Academia –ի կողմից կազմակերպված դասնթացներին նվիրված ինսւլինային պոմպերին և գլուկոզայի շուևջօրյա մոնիտորինգին
01.12-30.12.2016 մասնագիտական վերապատրաստում մանկական էնդոկրինոլոգիա մասնագիտությամբ, Ռուսաստանի Ժողովուրդների բարեկամության ինստիտուտ, Մոսկվա, ՌԴ։
Անդամակցություն
[խմբագրել | խմբագրել կոդը]Հայկական էնդոկրինոլոգիական ասոցիացիայի վարչության անդամ, օստեոպորոզի սեկցիայի նախագահ
Հայաստանի օստեոպորոզի ասոցիացիայի վարչության անդամ
Շաքարախտի ուսումնասիրության Եվրոպական ասոցիացիայի անդամ
Եվրոպական Էնդոկրինոլոգիայի ասոցիացիայի անդամ
2017 թ. ապրիլի 6-8 առաջին անգամ Հայաստանում կազմակերպել է Դիաբետի Ուսումնասիրման Եվրոպական Ասոցիացիայի (EASD) հետդիպլոմային կուրսերը։
Տիրապետում է ռուսերեն, անգլերեն, գերմաներեն լեզուներին։
Դասավանդում է հայերեն, ռուսերեն և անգլերեն լեզուներով։
Պարգևատրումներ
[խմբագրել | խմբագրել կոդը]Երևանի պետական բժշկական համալսարանի արծաթե մեդալ
2018 թ. Պատվոգիր և շնորհակալագիր ՀՀ Առողջապահության նախարի կողմից[4]
Անձնական տվյալներ
[խմբագրել | խմբագրել կոդը]Ամուսնացած է, ունի 2 երեխա։
Ծանոթագրություններ
[խմբագրել | խմբագրել կոդը]- ↑ «Ելենա Միխայիլի Աղաջանովա». www.doctors.am. Վերցված է 2020 թ․ դեկտեմբերի 5-ին.
- ↑ «Ելենա Միխայիլի Աղաջանովա, բ.գ.դ., պրոֆեսոր — Մուրացան համալսարանական հիվանդանոցային համալիր». Վերցված է 2020 թ․ դեկտեմբերի 5-ին.
- ↑ ysmu.am https://ysmu.am/hy/main/update_your_browser/. Վերցված է 2020 թ․ դեկտեմբերի 5-ին.
{{cite web}}: Missing or empty|title=(օգնություն) - ↑ «ԱՂԱՋԱՆՈՎԱ ԵԼԵՆԱ ՄԻԽԱՅԻԼԻ». www.vorak.am. Վերցված է 2020 թ․ դեկտեմբերի 5-ին.