Բաքվի Հայոց կուլտուրական միություն

Բաքվի Հայոց կուլտուրական միություն
Տեսակ	հասարակական կազմակերպություն
Երկիր	Ռուսական կայսրություն
Հիմնադրված	1906
Լուծարված	1918
Գլխադասային գրասենյակ	Բաքու, Բաքվի նահանգ

Բաքվի Հայոց կուլտուրական միություն, հասարակական կազմակերպություն։

Հիմնադրվել է 1906 թվականին՝ հասարակական-քաղաքական գործիչ Կոստանդին Խատիսյանի ջանքերով, որը և եղել է միության առաջին նախագահը։ Նպատակն էր ընդարձակել հանրակրթական և մասնագիտական դպրոցների ցանցը, նպաստել ինքնուրույն և թարգմանական գրականության հրատարակությանը, հայոց լեզվի, բեմարվեստի, երաժշտության, կերպարվեստի և ճարտարապետության զարգացմանը։

Միությունը կազմակերպել է համերգներ, ներկայացումներ, ստեղծել երգչախմբեր, թատերախմբեր, նպաստել Բաքվի հայկական թատրոնի գործունեությանը։ Գեղարվեստական հանձնախմբի նախաձեռնությամբ Մայիլյանների մեծ թատրոնում Հարավային Կովկասում առաջին անգամ բեմադրվել է (1912) Տիգրան Չուխաճյանի «Լեբլեբիջի Հոր-հոր աղա» կոմիկական օպերան։ Միությունը դադարել է գործելուց 1918 թվականին։

Տես նաև՝

• Հայերն Ադրբեջանում