Արա Ավետիսյան

Արա Ավետիսյան
Ծնվել է	սեպտեմբերի 14, 1958 (65 տարեկան); Թալին, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Մասնագիտություն	գիտնական
Հաստատություն(ներ)	Երևանի պետական համալսարան
Գործունեության ոլորտ	մեխանիկա
Պաշտոն(ներ)	ռեկտոր
Ալմա մատեր	Երևանի պետական համալսարան
Գիտական աստիճան	ֆիզիկամաթեմատիկական գիտությունների դոկտոր
Կուսակցություն	Հայաստանի Հանրապետական կուսակցություն

Անվան այլ կիրառումների համար տե՛ս՝ Արա Ավետիսյան (այլ կիրառումներ)

Արա Սերգեյի Ավետիսյան (սեպտեմբերի 14, 1958(1958-09-14), Թալին, Հայկական ԽՍՀ, ԽՍՀՄ), հայ գիտնական, Հայաստանի պետական գործիչ։

Կրթություն[խմբագրել | խմբագրել կոդը]

1965-1975 թթ. սովորել և գերազանցությամբ ավարտել է Թալինի թիվ 1 միջնակարգ դպրոց։
1975-1980 թթ. սովորել և գերազանցության դիպլոմով ավարտել է ԵՊՀ մեխանիկամաթեմատիկական ֆակուլտետի մեխանիկայի բաժինը։
1983-1986 թթ. սովորել և ավարտել է ՀԽՍՀ ԳԱ Մեխանիկայի ինստիտուտի ասպիրանտուրա։ Ֆիզիկամաթեմատիկական գիտությունների թեկնածու (1986)։
Ֆիզիկամաթեմատիկական գիտությունների դոկտոր (1998)։ Քառասունից ավել գիտական հրապարակումների հեղինակ է։

Աշխատանքային գործունեություն[խմբագրել | խմբագրել կոդը]

1980-1982 թթ. աշխատել է ՀԽՍՀ Արդյունաբերական շինարարության մինիստրության Նախագծային կոնստրուկտորական տեխնոլոգիական ինստիտուտում՝ որպես ճարտարագետ-նախագծող։
1986-1988 թթ. աշխատել է ՀԽՍՀ ԳԱ Մեխանիկայի ինստիտուտում որպես կրտսեր գիտաշխատող։
1988-1996 թթ. աշխատել է ՀԽՍՀ ԳԱ Մեխանիկայի ինստիտուտում որպես ավագ գիտաշխատող։
1994-2005 թթ.՝ ՀՀ ԳԱԱ «Մեխանիկա» տեղեկագրի գլխավոր խմբագրի տեղակալ։
1996-2000 թթ.՝ ՀՀ Կրթության և գիտության նախարարության միջնակարգ կրթության վարչության պետ։
1996 թվականից դասավանդում է ԵՊՀ-ում։ Հոծ միջավայրի մեխանիկայի ամբիոնի պրոֆեսոր։
2000-2011 թթ.՝ ՀՀ Կրթության և գիտության նախարարի տեղակալ միջին և բարձրագույն մասնագիտական կրթության ու գիտության ոլորտների համակարգման գծով։
2005 թվականից՝ ՀՀ ԳԱԱ «Մեխանիկա» տեղեկագրի գլխավոր խմբագիր։
2006 թվականից՝ Տեսական և Կիրառական Մեխանիկայի Ազգային Կոմիտեի նախագահ։
2011 թ. հուլիսի 22-ին Հայաստանի Վարչապետի որոշմամբ 2011 թվականի հուլիսի 25-ից ազատվել է Հայաստանի կրթության և գիտության նախարարի տեղակալի պաշտոնից՝ այլ աշխատանքի անցնելու կապակցությամբ^[1]։
2011 թ. հուլիսին ՀՀ Կրթության և գիտության նախարարի հրամանով նշանակվել է ՀՊՃՀ ռեկտորի պաշտոնակատար։
2011 թ. սեպտեմբերի 8-ին ընտրվել է Հայաստանի պետական ճարտարագիտական համալսարանի ռեկտորի պաշտոնում^[2]։
2015 թ. ներկայացրել է հրաժարական, որն ընդունվել է։

Պարգևներ և կոչումներ[խմբագրել | խմբագրել կոդը]

Ունի ավագ գիտական աշխատակցի գիտական կոչում՝ «Դեֆորմացվող պինդ մարմնի մեխանիկա» մասնագիտությամբ (1991)։
Հայաստանի ԳԱԱ թղթակից անդամ (2006)։
Պողոսյան մրցանակ (2019)^[3]։

Այրի է, ունի երկու զավակ։ Հայաստանի հանրապետական կուսակցության անդամ է։

Ծանոթագրություններ[խմբագրել | խմբագրել կոդը]

↑ Ա. ԱՎԵՏԻՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ
↑ «ՀԱՅԱՍՏԱՆԻ ՊԵՏԱԿԱՆ ՃԱՐՏԱՐԱԳԻՏԱԿԱՆ ՀԱՄԱԼՍԱՐԱՆ (ՊՈԼԻՏԵԽՆԻԿ)» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՌԵԿՏՈՐԻ ԸՆՏՐՈՒԹՅԱՆ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ
↑ «Արա Ավետիսյան - Պողոսյան մրցանակ». Արխիվացված է օրիգինալից 2021 թ․ հուլիսի 10-ին. Վերցված է 2021 թ․ հուլիսի 10-ին.

Վիքիդարանն ունի նյութեր, որոնք վերաբերում են «Արա Ավետիսյան» հոդվածին։

[1] Ա. ԱՎԵՏԻՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ

[2] «ՀԱՅԱՍՏԱՆԻ ՊԵՏԱԿԱՆ ՃԱՐՏԱՐԱԳԻՏԱԿԱՆ ՀԱՄԱԼՍԱՐԱՆ (ՊՈԼԻՏԵԽՆԻԿ)» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՌԵԿՏՈՐԻ ԸՆՏՐՈՒԹՅԱՆ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ

[3] «Արա Ավետիսյան - Պողոսյան մրցանակ». Արխիվացված է օրիգինալից 2021 թ․ հուլիսի 10-ին. Վերցված է 2021 թ․ հուլիսի 10-ին.

[1]

[2]

[3]