Աշոտ Մելիք-Շահնազարյան
| Աշոտ Մելիք-Շահնազարյան | |
| Կրթություն՝ | Միջազգային հարաբերությունների Մոսկվայի պետական ինստիտուտ |
|---|---|
| Մասնագիտություն՝ | դիվանագետ |
| Ծննդյան օր | հոկտեմբերի 2, 1931 |
| Ծննդավայր | Թիֆլիս, ԱԽՖՍՀ, ԽՍՀՄ |
| Վախճանի օր | հունվարի 18, 2004 (72 տարեկան) |
| Վախճանի վայր | Երևան, Հայաստան կամ Երևան, Հայաստան |
| Դինաստիա | Մելիք-Շահնազարյաններ |
| Քաղաքացիություն |  ԽՍՀՄ,  Հայաստան և .svg){kind=small} Հայկական ԽՍՀ
|
| Հայր | Զարեհ Մելիք-Շահնազարյանց |
Աշոտ Զարեհի Մելիք-Շահնազարյան (հոկտեմբերի 2, 1931, Թիֆլիս, ԱԽՖՍՀ, ԽՍՀՄ - հունվարի 18, 2004, Երևան, Հայաստան և Երևան, Հայաստան), հայ դիվանագետ, գրող։ ԽՍՀՄ (1989), ՀՀ (1997) արտակարգ և լիազոր դեսպան։
Կենսագրություն
[խմբագրել | խմբագրել կոդը]Աշոտ Մելիք-Շահնազարյանը ծնվել է 1931 թվականին Թբիլիսիում։ 1956 թվականին ավարտել է Մոսկվայի միջազգային հարաբերությունների ինստիտուտը, 1971 թվականին՝ Բարձրագույն դիվանագիտական դպրոցը, 1981 թվականին՝ դիվանագիտական ղեկավար աշխատողների բարձրագույն դասընթացը։ 1960-1992 թվականներին աշխատել է ԽՍՀՄ ԱԳՆ կենտրոնական ապարատում, Եվրոպայի, Ասիայի, Աֆրիկայի տարբեր երկրների ԽՍՀՄ դեսպանատներում։ 1992-1998 թվականներին եղել է ՀՀ արտաքին գործերի նախարարի խորհրդական, Ժնևում ՄԱԿ-ի եվրոպական բաժանմունքում Հայաստանի մշտական ներկայացուցիչ, միջազգային կազմակերպությունների վարչության պետ, 1998-2000 թվականներին՝ հատուկ հանձնարարություններով դեսպան, 2000 թվականից, միաժամանակ՝ Մեքսիկայի Միացյալ Նահանգներում և Կուբայի Հանրապետությունում ՀՀ արտակարգ և լիազոր դեսպան[1]։ 1997 թվականին եղել է «Համահայկական խաղերի համաշխարհային կոմիտեի» առաջին նախագահը[2]։ Մելիք-Շահնազարյանի ղեկավարությամբ Երևանում անցկացվել են Համահայկական առաջին (1999) և երկրորդ (2001) խաղերը։ Մելիք-Շահնազարյանը գործուն մասնակցություն է ունեցել ԼՂՀ ԱԳՆ ստեղծման և կազմավորման աշխատանքներին, ԼՂ հիմնահարցի կարգավորման գործընթացներին։
Մելիք-Շահնազարյանը եղել է նախկին ԽՍՀՄ-ի ժամանակակից հնգամարտի ֆեդերացիայի փոխնախագահ, Մոսկվայում XXII Օլիմպիական խաղերի մամլո կենտրոնի գլխավոր տնօրենի տեղակալ, սուսերամարտի միջազգային կարգի մրցավար, սուսերամարտի ազգային ֆեդերացիայի նախագահ։
«Արտաշատցի օլիմպիականը» պատմավեպի հեղինակն է[3]։
Երկեր
[խմբագրել | խմբագրել կոդը]- Արտաշատցի օլիմպիականը, Երևան, 1984, 224 էջ։
Ծանոթագրություններ
[խմբագրել | խմբագրել կոդը]- ↑ «ՎԱԽՃԱՆՎԵԼ Է ԿՈՒԲԱՅՈՒՄ Եվ ՄԵՔՍԻԿԱՅՈՒՄ ՀՀ ԴԵՍՊԱՆ ԱՇՈՏ ՄԵԼԻՔ-ՇԱՀՆԱԶԱՐՅԱՆԸ». Վերցված է 2017 թ․ հունվարի 28-ին.
- ↑ «Աշոտ Մելիք-Շահնազարյան». Արխիվացված է օրիգինալից 2016 թ․ հուլիսի 31-ին. Վերցված է 2017 թ․ հունվարի 28-ին.
- ↑ «Hay Girq » ՎԱՐԱԶԴԱՏ ՀԱՅԱՍՏԱՆԻՑ` ՕԼԻՄՊԻՈՆԻԿ». haygirq.am (ամերիկյան անգլերեն). Վերցված է 2017 թ․ հունվարի 28-ին.(չաշխատող հղում)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|