Անատոլի Կորոլչենկո

Անատոլի Կորոլչենկո
Ծնվել է	ապրիլի 12, 1922(1922-04-12) (102 տարեկան)
Ծննդավայր	Դոնի Ռոստով, Դոնի մարզ, ՌԽՖՍՀ
Մասնագիտություն	գրող և լրագրող
Լեզու	ռուսերեն
Քաղաքացիություն	ԽՍՀՄ և  Ռուսաստան
Ժանրեր	արձակ
Անդամակցություն	ԽՍՀՄ ժուռնալիստների միություն
Պարգևներ	և

Անատոլի Ֆիլիպովիչ Կորոլչենկո (ռուս.՝ Анатолий Филиппович Корольченко, ապրիլի 12, 1922(1922-04-12), Դոնի Ռոստով, Դոնի մարզ, ՌԽՖՍՀ), ռուս գրող, լրագրող, ԽՍՀՄ ժուռնալիստների միության անդամ (1963)։

Կենսագրություն

Անատոլի Ֆիլիպովիչը ծնվել է Դոնի Ռոստովում։ Առաջին պատանեկան հրապարակումը եղել է 1936 թվականին «Լենինի թոռնիկները» թերթում։ 1940 թվականին տասներորդ դասարանն ավարտելուց հետո համալրել է Կարմիր բանակի շարքերը։ Զինվորական ծառայությունն անցել է Մոլդովայում։ 1941 թվականի նոյեմբերին վաղաժամկետ ավարտել է հետևակային ուսումնարանը՝ լեյտենանտի աստիճանով։ Ստալինգրադում նշանակվել է օդային-դեսանտային զորքերում, ղեկավարել է մարտական վաշտը, գումարտակը, մի քանի անգամ զինվորների հետ մարտնչել Կարելյան, Ուկրաինական 3-րդ և 2-րդ ռազմաճակատներում։ Մասնակցել է Սվիրսկ-Պետրոզավոդսկի, Բալատոնսկի, Վիեննայի, Պրահայի պաշտպանական գործողություններին։ Անատոլի Ֆիլիպովիչ Կորոլչենկոն արժանացել է չորս զինվորական շքանշանների, բազմաթիվ մեդալների։

Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններից հետո ավարտել է Ռազմական մանկավարժական ինստիտուտը։ Անատոլի Ֆիլիպովիչը բանակում ծառայել է տարբեր պաշտոններում։ Զբաղեցրած վերջին պաշտոնը եղել է աֆրիկյան երկրներից մեկի բանակի Գլխավոր շտաբի ռազմական խորհրդատու։

Բանակից հեռանալուց հետո զբաղվել է գրական գործունեությամբ։ Համագործակցել է «Կրասնայա զվեզդա», «Կրասնոյե զնամյա», «Կոմսոմոլսկայա պրավդա» ռազմական թերթերի հետ։ 1963 թվականի մայիսին ընդունվել է ԽՍՀՄ ժուռնալիստների միություն։

1969 թվականին «Զվեզդա» ամսագրի երկու համարներում առաջին անգամ տպագրվել է նրա վավերագրական վեպը։ Նույն ամսագրում են հրապարակվել նաև նրա պատմվածքների ընտրանին, այնուհետև՝ ճանապարհորդական էսսեները։

1986 թվականին հրատարակվել է «Պլատով ատամանը» վեպը, որը պատմում է 1812 թվականի Հայրենական պատերազմի լեգենդար հերոս դոնյան ատամանի մասին։

Ստեղծագործություններ

• Миусские рубежи (1971)
• В стране большой Джериги (1976)
• Сокрушение Миус-фронта (1978)
• Десантники атакуют с неба (М., 1980)
• И умер в Таганроге (1995)
• Жуков. Фрагменты жизни полководца (1995)
• Жуков приказал! (1996)
• Маршал Рокоссовский (1997)
• Генерал Скобелев (1997)
• Выбитый генералитет (2000)
• Нaд стaрой кaртой (2001)
• Генерал Платов (2002)
• Битва за Кавказ (2005)
• Освобождение Вены (2005)
• Маршалы победы (2006)
• Неистовый Жуков (2007)
• Раевский (2007)

Արտաքին հղումներ

• Корольченко А. Ф. Военный переворот: Воспоминания о дальних краях / Анатолий Корольченко. – Ростов н/Д: Новая книга, 2006. – 128 с.