Ալտամիրա ազգային անտառ
 Floresta Nacional Altamira | |
|---|---|
| Տեսակ | ազգային անտառ |
| Կազմված է | Ամազոնի խոնավ անտառներ |
| Երկիր |  Բրազիլիա |
| Վարչատարածք | Պարա |
| Հիմնվել է | փետրվարի 2, 1998 |
| Մակերես | 7255,45 կմ²[1] և 725 545 հեկտար |
| Կառավարում | Բրազիլիայի դաշնային կառավարություն |
  | |
Ալտամիրա ազգային անտառ (պորտ.՝ Floresta Nacional Altamira), ազգային անտառ Բրազիլիայի Պարա նահանգում։
Տեղագրություն
[խմբագրել | խմբագրել կոդը]Ալտամիրա ազգային անտառը գտնվում է Ամազոն բիոմում։ Ունի 724965.51 հա տարածք[2]։ Այն ընդգրկում է Ալտամիրա, Իտայտուբա և Տրայրան մունիցիպալիտետներից որոշ հատվածներ Պարա նահանգում[3]։ Անտառն ընկած է Ամազոնի հարթավայրերում՝ 180-350 մետր բարձրության վրա։ Ալտամիրան սփռված է Տապաժոս և Շինգու գետերի ջրբաժան գծի միջև։ Այն ներառում է Կուրուայես գետի մի մասը՝ Շինգու ավազանում[3]։ 2009 թվականի տարեկան պլանը թույլատրել է տրամադրել անտառի կառավարման չորս միավորումներ՝ ընդհանուր 380,000 հա, որոնք հատկացվել էին երկու ընկերություններին՝ 40 տարի ժամկետով պայմանագրեր կնքելու և մոտ 900 պաշտոնական աշխատատեղ ստեղծելու համար, որոնց 80 %-ը կլիներ տեղական[4]։
Շրջակա միջավայր
[խմբագրել | խմբագրել կոդը]Տարեկան տեղումների քանակը 2800 մմ է։ Ջերմաստիճանը տատանվում է 24-ից մինչև 33 °C, իսկ միջինը՝ 27 °C է[3]։ Բուսականությունը մեծ մասամբ բաց խոնավ անտառ է՝ լիանաներով, բայց նաև ներառում է խիտ նախալեռնային խոնավ անտառ և ողողատային անտառ։ Բնապահպանական գնահատման արագ ուսումնասիրության արդյունքում հայտնաբերվել է բուսական աշխարհի 145 ցեղի 212 տեսակ։ Էնդեմիկ ձկնատեսակներից են՝ Aspidoras poecilus, Microschemobrycon elongatus, Harttia dissidens և Hopliancistrus tricornis։ Էնդեմիկ պրիմատներն են՝ սպիտակ ամերիկյան փոքրիկ կապիկը (Mico leucippe) ու Ateles marginatus։
Պահպանություն
[խմբագրել | խմբագրել կոդը]Ալտամիրա ազգային անտառը ստեղծվել է 1998 թվականի փետրվարի 2-ին թիվ 2.483 հրամանագրով և կառավարվում է Չիկո Մենդեսի Կենսաբազմազանության պահպանության ինստիտուտի կողմից (ICMBio)[2]։ Այն դասվում է Բնության պահպանության միջազգային միության VI կատեգորիային (բնական ռեսուրսի կայուն օգտագործմամբ պահպանվող տարածք)։ Նպատակն է աջակցել անտառային ռեսուրսների կայուն բազմակի օգտագործմանը և գիտական հետազոտությունների իրականացմանը՝ շեշտը դնելով հայրենի անտառների կայուն շահագործման մեթոդների վրա[3]։ Պահպանվող տեսակներից են՝ յագուարը (Panthera onca), հսկա ջրասամույրը (Pteronura brasiliensis) և ամազոնյան մրջնակերը (Trichechus inunguis)[2]։
Էկոլոգիական կայանը գտնվում է տարածաշրջանում, որտեղ կան 12 կայուն օգտագործվող պահպանման տարածքներ ու 6 լիարժեք պաշտպանված տարածքներ։ Վերջիններս՝ Ամազոնիա, Ժամանշին, Ռիո Նովո և Սերրա դու Պարդու ազգային պարկերը, ինչպես նաև Սերրա դու Կաշիմբու կենսաբանական արգելոցն ու Տերրա դու Մեյու էկոլոգիական կայանը ընդգրկում են 6670422 հա[5]։ Կայուն օգտագործվող տարածքները ներառում են՝ Տապաժոս բնապահպանական տարածքը և Ալտամիրա, Ամանա, Ժամանշին, Տրայրան և Իտայտուբա I, Իտայտուբա II ու Տապաժոս ազգային անտառները, որոնք ընդհանուր ունեն 7555889 հա տարածք[5]։
Ծանոթագրություններ
[խմբագրել | խմբագրել կոդը]- ↑ Արգելոցների համաշխարհային տվյալների շտեմարան — 1981.
- ↑ 2,0 2,1 2,2 «Flona Altamira – Chico Mendes». Արխիվացված է օրիգինալից 2019 թ․ օգոստոսի 7-ին. Վերցված է 2019 թ․ օգոստոսի 7-ին.
- ↑ 3,0 3,1 3,2 3,3 Unidade de Conservação ... MMA
- ↑ Floresta Nacional de Altamira (PA) – Serviço Florestal
- ↑ 5,0 5,1 «Plano de Manejo da Floresta Nacional do Trairão» (PDF). Արխիվացված է օրիգինալից (PDF) 2017 թ․ փետրվարի 11-ին. Վերցված է 2019 թ․ օգոստոսի 7-ին.
Աղբյուրներ
[խմբագրել | խմբագրել կոդը]- Flona Altamira (պորտուգալերեն), Chico Mendes Institute for Biodiversity Conservation, Արխիվացված է օրիգինալից 2016 թ․ օգոստոսի 16-ին, Վերցված է 2016 թ․ մայիսի 29-ին
- Floresta Nacional de Altamira (PA) (պորտուգալերեն), Serviço Florestal Brasileiro, Արխիվացված է օրիգինալից 2016 թ․ օգոստոսի 7-ին, Վերցված է 2016 թ․ մայիսի 29-ին
{{citation}}: More than one of|archivedate=and|archive-date=specified (օգնություն); More than one of|archiveurl=and|archive-url=specified (օգնություն) - Plano de Manejo da Floresta Nacional do Trairão, Localizada no Estado do Pará (PDF), Brasília – DF: ICMBio, Արխիվացված է օրիգինալից (PDF) 2017 թ․ փետրվարի 11-ին, Վերցված է 2016 թ․ մայիսի 19-ին
- Unidade de Conservação: Floresta Nacional Altamira (պորտուգալերեն), MMA: Ministério do Meio Ambiente, Վերցված է 2016 թ․ մայիսի 29-ին